Wimbi jipya la mashambulizi ya chuki dhidi ya wageni, linalowalenga wahamiaji wa Kiafrika na biashara zao huko Afrika Kusini linatishia kuteteresha uhusiano wa nchi hiyo na nchi nyingine za Afrika.Katika siku za hivi karibuni makundi ya watu waliokuwa na mapanga, marungu na mikuki waliwashambulia raia wa kigeni katika mitaa ya miji ya Johannesburg na Cape Town wakiwatuhumu kuwa wanatumia fursa za kazi na ajira wa wazawa.Nigeria imemwita balozi wa Afrika Kusini kupinga ongezeka la mashambulizi ya chuki dhidi ya wageni (xenophobia) nchini humo, hatua inayoonyesha kuongezeka mvutano wa kidiplomasia kati ya nchi hizo mbili.Haya yanakuja wakati ambapo Afrika Kusini, uchumi mkubwa zaidi wa viwanda barani Afrika, inakabiliwa na mashinikizo ya kijamii yanayoongezeka kutokana na ukosefu wa ajira wa karibu 30%, jambo ambalo limechangia kuongezeka chuki dhidi ya wahamiaji na katika baadhi ya matukio, vurugu na machafuko.Nigeria si nchi peke yake iliyojitokeza kuelezea wasiwasi wake kuhusu hujuma na mashambulizi yanayolenga raia wa kigeni nchini Afrika kusini; bali kabla ya hapo Ghana na Zimbabwe zilikuwa zimewasilisha malalamiko kuhusu matukio ya “chuki dhidi ya wageni”, jambo linaloashiria kuongezeka mvutano wa kidiplomasia wa nchi za Afrika na Afrika Kusini.Serikali ya Ghana ilionya kuhusu hali ya usalama isiyotabirika huko Afrika Kusini, ikisema baadhi ya wageni walikuwa wameshauriwa kubaki katika makazi yao ili kuepuka mashambulizi yanayoweza kutokea.Takwimu rasmi zinaonyesha kuwa idadi ya raia wa kigeni nchini Afrika Kusini inazidi milioni tatu, ikiwa ni takriban asilimia 5.1 ya idadi ya watu. Wengi kati ya wageni hao wanatoka nchi jirani ndani ya Jumuiya ya Maendeleo Kusini mwa Afrika (SADC).Kwa upande wake, serikali ya Afrika Kusini imelaani vurugu hizo zinazowalenga raia wa kigeni, ikisema kwamba mashambulizi dhidi ya wageni ni kinyume cha katiba na maadili ya kitaifa, na kusisitiza kwamba haitavumilia aina yoyote ya chuki, vitisho, au uporaji.
Blog
-
Wabunge wa Marekani Wataka Uwazi Kuhusu Mpango wa Nyuklia wa Israel
Washington, D.C. — Kundi la wabunge 30 wa Chama cha Democratic katika Baraza la Wawakilishi la Marekani wameitaka Wizara ya Mambo ya Nje ya Marekani kukomesha kile walichokiita “utata wa miongo kadhaa” kuhusu mpango wa silaha za nyuklia wa Israel.
Katika barua rasmi waliyoielekeza kwa wizara hiyo, wabunge hao walisisitiza umuhimu wa uwazi zaidi kuhusu sera ya Marekani kuhusiana na uwezo wa nyuklia wa Israel.
Mbunge wa Kidemokrasia Joaquin Castro wa jimbo la New Hampshire alisema Jumanne, kupitia taarifa iliyochapishwa kwenye tovuti yake, kwamba suala hilo linahitaji mjadala wa wazi, hasa wakati Marekani ikiunga mkono Israel katika mzozo wake na Iran.
Kwa mujibu wa taarifa hiyo, wabunge wameibua maswali kuhusu sera ya muda mrefu ya Marekani ya kutotoa maelezo wazi kuhusu uwezo wa nyuklia wa Israel, wakitaka msimamo wa wazi zaidi kutoka kwa serikali ya Washington.
-
Iran yaishutumu UAE kwa ushirikiano na Marekani na Israel, yaonya kuhusu hatua ya kujibu
Wizara ya Mambo ya Nje ya Iran imeilaani Abu Dhabi kwa kushirikiana na Marekani na Israel dhidi ya Iran, hasa kwa kuruhusu kuwepo kwa kambi za kijeshi na vifaa vya kijeshi.
Tehran pia imekataa madai kwamba ilirusha makombora au ndege zisizo na rubani kuelekea UAE, ikisema kuwa hatua zake zinalenga tu kukabiliana na uchokozi wa Marekani.
Wizara hiyo imeonya kuwa kuendelea kwa ushirikiano wa kijeshi au wa vifaa dhidi ya Iran hakukubaliki, na kusisitiza kwamba Iran itachukua hatua zote zinazohitajika kulinda usalama wake wa kitaifa.
-
Sudan yazituhumu UAE naEthiopia kwa shambulio lauwanja wa ndege wa Khartoum
KHARTOUM, May 5, 2026 — Serikali ya Sudan imezituhumu Umoja wa Falme za Kiarabu (UAE) na Ethiopia kuhusika na shambulio la ndege zisizo na rubani (drones) lililolenga Uwanja wa Ndege wa Kimataifa wa Khartoum, msemaji wa serikali alisema Jumanne, katika hatua inayoongeza mvutano wa kikanda.
Tuhuma hizo zimeibuka kufuatia mfululizo wa mashambulizi ya angani yaliyotokea Jumatatu, yaliyolenga uwanja mkuu wa ndege wa mji mkuu huo pamoja na maeneo ya makazi na vituo kadhaa vya kijeshi.
Miongoni mwa maeneo yaliyoshambuliwa ni pamoja na kambi ya Signal Corps iliyoko Kaskazini mwa Khartoum na kituo cha mafunzo cha al-Markhiyat mjini Omdurman.
Akizungumza katika mkutano wa pamoja na waandishi wa habari mapema Jumanne, Waziri wa Mambo ya Nje wa Sudan Mohieddin Salem pamoja na msemaji wa jeshi Asim Awad Abd al-Wahab walisema kuwa wana “ushahidi wa moja kwa moja” unaoonyesha kuwa ndege hizo zisizo na rubani zilirushwa kutoka uwanja wa ndege wa Bahir Dar nchini Ethiopia.
-
Iran yakana tuhuma za mashambulizi UAE yasema sio kawaida yake kuficha mapigo
Msemaji wa Makao Makuu ya Khatam al‑Anbiya amesema kuwa Iran itatoa “jibu kali na la kuangamiza” iwapo hatua yoyote ya kijeshi dhidi ya nchi hiyo itafanywa kutoka ardhi ya Umoja wa Falme za Kiarabu (UAE).a
Katika taarifa yake, msemaji huyo alikanusha ripoti iliyotolewa na Wizara ya Ulinzi ya UAE akidai kuwa katika siku za hivi karibuni vikosi vya jeshi la Jamhuri ya Kiislamu ya Iran havijafanya operesheni yoyote ya makombora au ndege zisizo na rubani dhidi ya UAE.
Alisisitiza kuwa iwapo operesheni kama hiyo ingefanyika, Iran ingeitangaza wazi na bila kusita.Taarifa hiyo pia iliwaonya viongozi wa UAE kwamba nchi yao, kama ardhi ya Kiislamu, haipaswi kuwa kituo au makazi ya vikosi na vifaa vya kijeshi vya Marekani na Israel. Kwa mujibu wa msemaji huyo, hatua kama hizo zinachukuliwa kuwa usaliti dhidi ya ulimwengu wa Kiislamu.
Aidha, msemaji huyo aliitaka UAE kuepuka kile alichokiita “mtego wa Marekani na Wazayuni,” akisema badala ya kuishambulia Iran kupitia propaganda za vyombo vya habari na tuhuma zisizo na msingi, nchi hiyo inapaswa kujiepusha na ushirikiano na mataifa yanayochukuliwa kuwa maadui wa ulimwengu wa Kiislamu.Katika taarifa hiyo, ilielezwa pia kuwa kwa sasa UAE imekuwa moja ya vituo muhimu vya uwepo wa kijeshi wa Marekani na Israel katika eneo la Mashariki ya Kati, jambo ambalo Iran inaliona kuwa chanzo kikuu cha ukosefu wa usalama katika kanda hiyo.
Msemaji huyo aliongeza kuwa Iran imekuwa ikionyesha uvumilivu dhidi ya kile alichokiita propaganda na msaada wa UAE kwa maadui wa Iran na wa ulimwengu wa Kiislamu, akisema hatua hiyo imechukuliwa kwa kuzingatia usalama wa Waislamu wanaoishi katika nchi hiyo.
Hata hivyo, alionya kwamba ikiwa ardhi ya UAE itatumika kufanya mashambulizi dhidi ya visiwa vya Iran, bandari au fukwe zake, Iran itajibu kwa nguvu na hatua ambayo itasababisha majuto
-
Iran yaharibu mpango wa Trump kuhusu Kombe la Dunia
Iran imevuruga mipango ya Rais wa Marekani, Donald Trump, si tu katika nyanja za uchumi, siasa na masuala ya kijeshi kufuatia mvutano kati ya pande hizo mbili, bali pia katika mradi unaohusiana na Kombe la Dunia FIFA 2026.Kwa mujibu wa taarifa iliyochapishwa Jumanne na jarida la The Athletic, mpango wa Trump wa kufanikisha mapato ya takriban dola bilioni 30 kupitia Kombe la Dunia umekumbwa na changamoto, baada ya wamiliki wa hoteli katika miji 11 itakayokuwa wenyeji wa mashindano hayo kuripoti kushuka maombi kwa asilimia 60 chini ya matarajio.Ripoti zinasema kuwa karibu asilimia 70 ya mapato yanayotarajiwa na Marekani kutokana na Kombe la Dunia yanatokana na sekta ya utalii, hasa kupitia mashabiki wanaosafiri kuhudhuria mechi na kutumia huduma za hoteli. Takwimu zilizotolewa na wamiliki wa hoteli zinaonyesha kuwa sehemu kubwa ya malengo hayo haijafikiwa.Ripoti zinaeleza kuwa hapo awali Trump alifanya mikutano kadhaa ya kutangaza mashindano hayo pamoja na Rais wa FIFA, Gianni Infantino, akilenga kuonyesha kuwa kungekuwako mwitikio mkubwa wa kimataifa.Hata hivyo, kadiri muda wa kuanza mashindano ya Kombe la Dunia unavyokaribia, takwimu zinaonyesha kuwa mwitikio wa mashabiki ni mdogo kuliko ilivyotarajiwa.Gazeti la Mirror la Uingereza limeripoti kuwa miongoni mwa sababu zinazochangia kupungua idadi ya wasafiri kwenda Marekani kuhudhuria mashindano ya Kombe la Dunia ni sera za kuchochea vita za Trump, ambazo zimevuruga hali ya Mashariki ya Kati na maeneo mengine duniani.Aidha, gazeti hilo limetaja sababu nyingine zinazochangia hoteli kubaki na vyumba tupu kuwa ni kupanda bei za tiketi za mechi hadi mara sita zaidi ikilinganishwa na Kombe la Dunia la Qatar, ongezeko la ada za maegesho ya magari hadi mara nne, pamoja na sera kali za utumiaji mabavu za polisi zinazotekelezwa dhidi ya wahamiaji na baadhi ya wasafiri.