Watangazaji wa umma nchini Ireland na Hispania wametangaza kususia shindano la mwaka huu la Eurovision Song Contest wakipinga ushiriki wa Israel.Shirika la utangazaji la Hispania, RTVE, limethibitisha kuwa halitarusha matangazo ya shindano hilo, huku RTÉ ya Ireland ikisema haitatangaza wala kushiriki kabisa katika tukio hilo. RTÉ imeeleza uamuzi huo kuwa ni kwa sababu ushiriki wa Israel “haukubaliki kabisa” wakati mgogoro wa kibinadamu ukiendelea katika Ukanda wa Gaza.Hatua hiyo imekuja wakati shinikizo linaendelea kuongezeka dhidi ya waandaaji wa Eurovision kuhusu kujumuishwa kwa Israel, huku maelfu ya wasanii duniani wakitoa wito wa kususia na kuitaka Israel ipigwe marufuku kushiriki katika mashindano hayo.
Blog
-
Oman na Iran zafanya mazungumzo juu ya usalama wa Hormuz
Waziri wa Mambo ya Nje wa Oman amesema kuwa mazungumzo aliyofanya na mwenzake wa Iran kuhusu Mlango wa Hormuz yalikuwa na tija.Ameeleza kuwa kuna umuhimu wa kuimarisha juhudi za kidiplomasia pamoja na kutafuta suluhisho za vitendo ili kuhakikisha uhuru wa urambazaji – mchakato wa kuelekeza na kusimamia mwendo wa chombo cha usafiri kama meli, ndege, au hata gari kutoka sehemu moja hadi nyingine kwa usalama na ufanisi – katika eneo hilo unadumishwa kwa muda mrefu.
-
Netanyahu akemewa mtandaoni baada ya kulaani jaribio la mauaji ya Trump
Waziri Mkuu wa Israel, Benjamin Netanyahu, amejikuta katika wimbi zito la ukosoaji kwenye mitandao ya kijamii kufuatia kauli yake ya kulaani matumizi ya nguvu, muda mfupi baada ya jaribio la kumuua Rais wa Marekani, Donald Trump. Katika taarifa yake, Netanyahu alisema wazi kuwa, “Hakuna nafasi ya ghasia; si dhidi ya viongozi wa kisiasa, wala dhidi ya mtu mwingine yeyote.” Hata hivyo, kauli hiyo imepokelewa kwa hisia mseto, huku makala moja ikimwelezea kwa maneno makali na kumuita “Gaidi analiyeua watoto wengi zaidi duniani.” Watumiaji wengi wa mitandao ya kijamii wametumia fursa hiyo kukosoa na kudhihaki matamshi hayo, wakikumbusha operesheni za jeshi la Israel katika Ukanda wa Gaza na tuhuma za mauaji ya viongozi mbalimbali wa Iran, Palestina, na Lebanon.
-
Kenya na Uganda Kuwekeza Tanzania
Kenya na Uganda ziko kwenye mazungumzo ya kujenga kiwanda cha kusafisha mafuta nchini Tanzania ili kupunguza utegemezi wa bidhaa za petroli zinazoagizwa kutoka nje, na kuhudumia nchi zinazozalisha mafuta ndani ya Jumuiya ya Afrika Mashariki (EAC).