Mjumbe wa chama cha Democratic katika Baraza la Wawakilishi la Marekani, Jason Crow, amesema kuwa vita vilivyoanzishwa na Rais Donald Trump dhidi ya Iran vimekuwa janga kubwa lenye gharama kubwa.Akihoji sera hiyo, Crow alieleza kuwa hadi sasa jumla ya dola bilioni 100 zimetumika katika mzozo huo, bila mafanikio ya wazi.Aidha, alisisitiza kuwa hakuna ushahidi uliowasilishwa unaoonyesha kuwepo kwa tishio la haraka kutoka Iran. Kwa mujibu wake, juhudi za kuthibitisha madai hayo zimeachwa, kwani hakuna ushahidi wa kuunga mkono hoja hizo.Aliongeza kuwa hali hiyo inaibua maswali makubwa kuhusu msingi na uhalali wa hatua zilizochukuliwa.
Mwandishi: Mohamed Tawakkal
-
Trump kufanya mkutano wa dharura kuhusu Iran Jumatano hii
Rais Donald Trump anatarajiwa kufanya mkutano katika Chumba cha kusimamia migogoro (Situation Room) jijini White House siku ya Jumatatu kuhusu suala la Iran, pamoja na timu yake ya juu ya usalama wa taifa na sera za kigeni.Kwa mujibu wa ripoti ya Axios, mkutano huo umethibitishwa na maafisa watatu wa Marekani.Chanzo kimoja kilisema kuwa timu ya Trump itajadili mkwamo uliopo katika mazungumzo na hatua zinazoweza kuchukuliwa baadaye.Mgogoro katika mazungumzo kati ya Marekani na Iran ulizidi mwishoni mwa wiki baada ya ziara ya Waziri wa Mambo ya Nje wa Iran, Abbas Araghchi, nchini Pakistan kumalizika bila maendeleo yoyote.Ziara hiyo ilikuwa moja ya juhudi za kufufua mazungumzo yanayohusu kusitisha mapigano na kufikia makubaliano ya kudumu, lakini haikuleta matokeo yanayoonekana.Habari hii inakuja wakati mvutano kati ya Washington na Tehran unaendelea, huku upande wa Marekani ukisisitiza kuwa ina “kadi zote” mkononi mwake, na upande wa Iran ukisisitiza masharti yake kabla ya mazungumzo ya moja kwa moja.
-
Watangazaji wa Ireland na Hispania wasusia Eurovision baada ya ushiriki wa Israel
Watangazaji wa umma nchini Ireland na Hispania wametangaza kususia shindano la mwaka huu la Eurovision Song Contest wakipinga ushiriki wa Israel.Shirika la utangazaji la Hispania, RTVE, limethibitisha kuwa halitarusha matangazo ya shindano hilo, huku RTÉ ya Ireland ikisema haitatangaza wala kushiriki kabisa katika tukio hilo. RTÉ imeeleza uamuzi huo kuwa ni kwa sababu ushiriki wa Israel “haukubaliki kabisa” wakati mgogoro wa kibinadamu ukiendelea katika Ukanda wa Gaza.Hatua hiyo imekuja wakati shinikizo linaendelea kuongezeka dhidi ya waandaaji wa Eurovision kuhusu kujumuishwa kwa Israel, huku maelfu ya wasanii duniani wakitoa wito wa kususia na kuitaka Israel ipigwe marufuku kushiriki katika mashindano hayo.
-
Oman na Iran zafanya mazungumzo juu ya usalama wa Hormuz
Waziri wa Mambo ya Nje wa Oman amesema kuwa mazungumzo aliyofanya na mwenzake wa Iran kuhusu Mlango wa Hormuz yalikuwa na tija.Ameeleza kuwa kuna umuhimu wa kuimarisha juhudi za kidiplomasia pamoja na kutafuta suluhisho za vitendo ili kuhakikisha uhuru wa urambazaji – mchakato wa kuelekeza na kusimamia mwendo wa chombo cha usafiri kama meli, ndege, au hata gari kutoka sehemu moja hadi nyingine kwa usalama na ufanisi – katika eneo hilo unadumishwa kwa muda mrefu.