Civil Defense ya Lebanon imetangaza kuuawa kwa wanachama wake watatu wakati wakifanya operesheni ya uokoaji baada ya shambulio la anga la Israel kugonga jengo katika eneo la Majdal Zoun, wilaya ya Tyre, kusini mwa Lebanon.Waliouawa wametajwa kuwa Hussein Al-Sati, Hadi Daher, na Hussein Ghadbouni.
Kategoria: MASHARIKI YA KATI
-
Israel Inafanya “Mauaji ya Mazingira” nchini Lebanon kwa Gharama ya Jumla ya Dola Bilioni 25
Wizara ya Mazingira ya Lebanon inasema kuwa Israel inafanya “mauaji ya mazingira” kusini mwa Lebanon, kulingana na ripoti mpya inayofafanua uharibifu mkubwa wa ikolojia wakati wa uvamizi wa 2023–2024.Ripoti hiyo ya kurasa 106, iliyotolewa na Baraza la Kitaifa la Utafiti wa Kisayansi la Lebanon, inaeleza kuwa operesheni za kijeshi za Israel “zilibadilisha kwa kiasi kikubwa mandhari ya kifizikia na ya ikolojia,” na kusababisha uharibifu wa muda mrefu kwa misitu, mashamba, mifumo ya maji, ubora wa hewa, na bioanuwai.Katika utangulizi wake, Waziri wa Mazingira Tamara El Zein alielezea uharibifu huo kuwa wa makusudi na wa kina, akionya kwamba madhara ya mazingira yanazidi ikolojia pekee na yanatishia afya ya umma, usalama wa chakula, riziki za watu, na uimara wa taifa.Ripoti hiyo inaorodhesha uharibifu mkubwa, ikiwemo hekta 5,000 za misitu zilizoangamizwa, hasara kubwa katika kilimo na miundombinu ya mifugo, pamoja na mamia ya mamilioni ya dola katika uharibifu na upotevu wa uzalishaji.#utaridi
-
“Mwisho wa mgawanyiko”: Bennett na Lapid waungana rasmi kumbwaga Netanyahu
Waziri wakuu wa zamani wa Israel, Naftali Bennett na Yair Lapid, wametangaza kuunganisha rasmi vyama vyao na kuunda tiketi ya pamoja ya kisiasa itakayojulikana kama “Pamoja – Ikiongozwa na Naftali Bennett.”
Tangazo hilo lilitolewa Jumapili alasiri na msemaji wa Bennett. Akizungumza na waandishi wa habari katika mji wa pwani wa Herzliya saa chache baadaye, Bennett alisema uamuzi wa kuungana na Lapid ni “hatua ya kizalendo na ya Kizayuni zaidi” ambayo wamewahi kuchukua kwa ajili ya maslahi ya nchi yao. Alisisitiza pia kuwa hatua hiyo inaashiria mwisho wa mgawanyiko wa kisiasa.
Bennett alieleza kuwa yeye na Lapid, ambaye kwa sasa ni kiongozi wa upinzani, wanaendelea mbele kwa lengo la kupata ushindi katika uchaguzi ujao. Aidha, alimkaribisha mwenyekiti wa chama cha Yashar, Gadi Eisenkot, kujiunga na muungano huo, akisema kuwa mlango bado uko wazi kwa vyama na viongozi wengine wanaotaka kushirikiana.
-
Mpango wa Iran Kupitia Pakistan Kusitisha Vita Wawasilishwa, Hakuna Jibu Kutoka Marekani
Hussein Bak, mwanachama wa timu inayoandamana na ujumbe wa mazungumzo wa Iran, amesema kuwa Waziri wa Mambo ya Nje wa Iran, Araqchi, amewasilisha mpango kupitia Pakistan unaolenga kusitisha vita dhidi ya Iran na Lebanon pamoja na kufungua mazungumzo kuhusu Mlango wa Hormuz na suala la nyuklia.
Kwa mujibu wa Bak, hadi sasa Marekani haijatoa majibu yoyote kuhusu pendekezo hilo.
Ameongeza kuwa sharti kuu la kurejea kwenye meza ya mazungumzo ni kuondolewa kwa mzingiro unaozikumba bandari za Iran. Pia amesisitiza kuwa Iran haitaridhika tu na kusitishwa kwa mapigano nchini Lebanon, bali inataka pia kujiondoa kwa majeshi ya Israel kabla ya kuanza kujadili kwa kina masuala mengine yanayohusu Lebanon.
Aidha, Bak amesema wanatarajia kuwepo kwa duru nyingine ya mapigano kabla ya pande husika kuhamia katika mazungumzo rasmi.
-
Kansela wa Ujerumani: Wairani ni wazi kuwa wana nguvu zaidi kuliko ilivyodhaniwa
Kansela wa Ujerumani, Friedrich Merz, amesema kuwa Iran inaonyesha kuwa na uwezo na nguvu kubwa kuliko inavyokadiriwa mara nyingi na jamii ya kimataifa. Kauli hiyo ilitolewa katika mkutano wa viongozi wa Umoja wa Ulaya.Merz alisema kuwa katika mazungumzo yanayoendelea kati ya Marekani na Iran, chini ya usuluhishi wa Pakistan, hakuna nchi iliyoonyesha upinzani kuhusu uwezekano wa kupunguza vikwazo dhidi ya Iran endapo Tehran itaonyesha utayari wa kutoa masharti au ustahiki unaotakiwa katika mazungumzo hayo.Aidha, Kansela huyo alieleza kuwa suala la kupunguza vikwazo kwa utaratibu wa hatua kwa hatua limejadiliwa kama sehemu ya mpango wa masharti maalum unaoweza kutumika iwapo pande husika zitafikia makubaliano.
-
Sheikh Naim: Iran, Mhusika Muhimu Katika Kusitishwa kwa Mapigano Lebanon
Katibu Mkuu wa Hezb nchini Lebanon, Sheikh Naim Qassem, amesema kuwa usitishwaji wa mapigano nchini humo usingewezekana bila ushiriki wa Iran katika mazungumzo yaliyofanyika nchini Pakistan. Akizungumza kuhusu mchango wa Iran katika jitihada za amani, Sheikh Qassem alisema kuwa “kama Jamhuri ya Kiislamu ya Iran isingekuwepo katika mazungumzo hayo, baada ya ushujaa na uvumilivu wa wananchi na wapiganaji wa Lebanon, kusingepatikana makubaliano ya kusitisha vita.” Aliongeza kuwa serikali ya Lebanon haikupaswa kuchukua msimamo wa hasira dhidi ya hatua ya kusitisha vita, akisisitiza kwamba “hakuna mamlaka yoyote nje ya Lebanon yenye haki ya kuweka masharti kwa nchi hii.” Kuhusu mashambulizi yaliyojulikana kama “Jumatano Nyeusi”, Sheikh Qassem alibainisha kuwa adui alifanya mashambulizi zaidi ya 200 ndani ya dakika 10 na kusababisha vifo vya mamia ya raia wasiokuwa na hatia, kisha kudai kuwa serikali ya Lebanon haina dhamira ya kusitisha mapigano. Aidha, alikosoa hatua ya serikali kukutana moja kwa moja na maofisa wa Marekani mjini Washington, akisema siku hiyo ilikuwa “ya fedheha kwa taifa.” Qassem alisema makubaliano yaliyopatikana yalikuwa ya upande mmoja, yakiiwezesha Israel kuendelea na mashambulizi yake huku yakilipachika kundi la wapiganaji wanaolinda Lebanon jina la “waasi”. Sheikh Qassem alihitimisha kwa kuuliza, “Je, serikali ya Lebanon inasimama upande wa adui?”