Utaridi 2.0 Staging

Blog

  • Amiri wa Qatar na Rais Trump Wajadili Hali ya Usalama Mashariki ya Kati.

    Amiri wa Qatar na Rais Trump Wajadili Hali ya Usalama Mashariki ya Kati.

    Amiri wa Qatar, Tamim bin Hamad Al Thani, amefanya mazungumzo kwa njia ya simu na Rais wa Marekani, Donald Trump, kujadili maendeleo ya hivi karibuni ya kisiasa na kiusalama katika eneo la Mashariki ya Kati.

    Viongozi hao wawili walijadili juhudi za kikanda na kimataifa zinazolenga kupunguza mvutano na kuimarisha utulivu katika eneo hilo.

    Wakati wa mazungumzo hayo, Amiri wa Qatar alisisitiza umuhimu wa kuweka mbele diplomasia, mazungumzo na suluhisho za kisiasa ili kuzuia kuongezeka kwa mivutano na kuimarisha usalama wa kikanda.

    Pia walijadili umuhimu wa kuendeleza mazungumzo katika kushughulikia changamoto zinazoendelea, huku wakihakikisha usalama wa njia muhimu za majini, kulinda uhuru wa usafiri wa meli baharini, na kuhakikisha biashara ya kimataifa pamoja na usambazaji wa nishati vinaendelea bila vikwazo.

  • Katz: “Hakuna Kusitisha Mapigano Nchini Lebanon

    Katz: “Hakuna Kusitisha Mapigano Nchini Lebanon

    “Waziri wa Ulinzi wa Israel, Israel Katz, ametoa tamko zito kuhusu hali ya usalama nchini Lebanon, akisisitiza kuwa hakuna makubaliano yoyote ya kusitisha mapigano yanayoendelea katika eneo hilo.

    Katika taarifa yake, Waziri Katz ameweka bayana kuwa jeshi la Israel litaendelea na operesheni zake dhidi ya ‘kundi la Wapinzani’ bila kupumzika.

    Tamko hili linakuja kinyume na taarifa za awali ambazo zilikuwa zikidokeza kuwa huenda kukawa na kulegeza kamba au kupungua kwa mvutano katika mpaka wa Israel na Lebanon kufuatia mazungumzo ya kidiplomasia.

    Hadi sasa, hali inasalia kuwa tete huku jeshi la Israel likionekana kuongeza kasi ya mashambulio yake, hatua ambayo wachambuzi wanaiita kuwa ni ishara ya kuendeleza msukumo wa kijeshi licha ya shinikizo la kimataifa la kutafuta amani.

  • Waziri wa hazina wa Marekani kupitia Fox News: Nini Maana ya ‘Kumaliza Kazi’

    Waziri wa hazina wa Marekani kupitia Fox News: Nini Maana ya ‘Kumaliza Kazi’

    Waziri wa Hazina wa Marekani amesema katika mahojiano na Fox News kwamba Marekani inaweka mbele masuala matatu kama kigezo cha “kumaliza kazi” katika mazungumzo yanayohusiana na Iran, huku akirudia madai ya Washington dhidi ya Tehran.

    Katika kauli yake, Waziri huyo alidai kuwa “kumaliza kazi” kunamaanisha kuhakikisha Mlango-Bahari wa Hormuz unabaki wazi, kuchukua urani iliyorutubishwa kwa kiwango cha juu, na kuhakikisha Iran haina silaha ya nyuklia.

    Wakati huohuo, Iran imesisitiza haki yake ya mamlaka juu ya Mlango-Bahari wa Hormuz na imeeleza kupinga kwake wazo la kukabidhi Marekani urani yenye kiwango cha juu cha urutubishaji.

    Kauli hizi zinatolewa huku vyombo vya habari vya Marekani, CNN na CBS, vikiripoti hapo awali kuhusu kile walichokitaja kuwa ni matakwa makubwa ya Donald Trump katika duru ya mwisho ya mazungumzo kupitia wapatanishi, pamoja na “mabadiliko makubwa” yanayodaiwa kuingizwa kwenye maandishi ya hati ya maelewano.

  • Jeshi la Mapinduzi ya Kiislamu ya Iran, Limezindua Hadharani Boti Mpya ya Mashambulizi ya Kasi Yenye Kubeba Makombora.

    Jeshi la Mapinduzi ya Kiislamu ya Iran, Limezindua Hadharani Boti Mpya ya Mashambulizi ya Kasi Yenye Kubeba Makombora.

    Tehran — Jeshi la Walinzi wa Mapinduzi ya Kiislamu la Iran (IRGC) limeonesha hadharani boti mpya ya mashambulizi ya kasi yenye silaha za makombora, inayojulikana kwa jina la “27 Rajab.”

    Boti hiyo yenye mwonekano wa chini na muundo wa kisasa, unaodhaniwa kuwa wa aina ya trimaran au catamaran, imeripotiwa kuwa na uwezo wa kubeba makombora mawili ya cruise yenye masafa ya hadi kilomita 700. Aidha, chombo hicho kinadaiwa kuwa na uwezo wa kufanya kazi katika mawimbi yenye urefu wa hadi mita 3.

    Hatua hiyo inaonekana kuendana na mkakati wa muda mrefu wa Iran wa kutumia kile kinachoitwa “mosquito fleet”, yaani kundi la boti ndogo, za gharama nafuu na zenye mwendo wa kasi, zinazoweza kutumika kwa mashambulizi ya pamoja dhidi ya meli kubwa za kijeshi.

    Wachambuzi wa masuala ya usalama wanaeleza kuwa mbinu hiyo inalenga kuongeza uwezo wa Iran wa kutoa tishio kwa meli za kivita katika Ghuba ya Uajemi na Mlango wa Hormuz, maeneo yenye umuhimu mkubwa kwa usafirishaji wa nishati na usalama wa baharini.

    Kuzinduliwa kwa boti hiyo mpya kunatajwa kuwa sehemu ya juhudi za Iran za kuimarisha uwezo wake wa kijeshi wa majini katika kipindi ambacho mvutano wa kikanda unaendelea kushuhudiwa Mashariki ya Kati.

  • The Guardian: AAFS Yanyemelea Mkataba Mkubwa Bosnia, Undugu na Trump Wahusishwa.

    The Guardian: AAFS Yanyemelea Mkataba Mkubwa Bosnia, Undugu na Trump Wahusishwa.

    Bosnia na Herzegovina — Uchunguzi uliochapishwa na The Guardian unadai kuwa AAFS Infrastructure and Energy, kampuni isiyojulikana sana inayoripotiwa kuwa na uhusiano na watu wa karibu na Rais wa Marekani Donald Trump, iko katika hatua za mwisho za kupata mikataba ya nishati yenye thamani ya zaidi ya dola za Marekani bilioni 1 nchini Bosnia na Herzegovina.

    Kwa mujibu wa uchunguzi huo, mradi unaotarajiwa kujumuishwa kwenye mikataba hiyo unahusisha ujenzi wa bomba kubwa la gesi linalolenga kupunguza utegemezi wa nchi hiyo kwa gesi kutoka Urusi.

    Hata hivyo, wakosoaji wamenukuliwa wakieleza wasiwasi kwamba AAFS haina historia iliyothibitishwa ya kusimamia miradi mikubwa ya kiwango hicho, na kwamba ilichaguliwa bila kufanyika mchakato wa zabuni ya ushindani.

    Uchunguzi huo pia unataja kuwa miongoni mwa wawakilishi wa kampuni hiyo ni wakili Jesse Binnall anayehusishwa na Trump, pamoja na Joe Flynn, ndugu wa aliyekuwa Mshauri wa Usalama wa Taifa wa Marekani, Michael Flynn.

  • Sayid Mojtaba Khamenei: Vituo vya Marekani katika eneo ni lazima vifungwe

    Sayid Mojtaba Khamenei: Vituo vya Marekani katika eneo ni lazima vifungwe

    Tuna nchi kumi na tano jirani, miongoni mwao zipo kwenye nchi kavu na zengine baharini, na tumekuwa tayari kila wakati kuanzisha uhusiano mzuri pamoja na kila nchi, lakini baadhi ya nchi hizi zimewekewa misingi yenye kulenga udhibiti katika eneo … napendekeza kwamba misingi hii ifungwe haraka iwezekanavyo.

    ✍🏼 Sehemu ya ujumbe wa kwanza wa Ayatullah Seyyed Mojtaba Hosseini Khamenei, Kiongozi Muadhamu wa Mapinduzi ya Kiislamu.