Utaridi 2.0 Staging

Lebo: Putin

  • Kremlin Yajibu Maonyo ya CIA kwa Makombora: Putin atafsiri wito wa Marekani kama ‘udhaifu’ wa Magharibi

    Kremlin Yajibu Maonyo ya CIA kwa Makombora: Putin atafsiri wito wa Marekani kama ‘udhaifu’ wa Magharibi

    MOSCOW — Mgogoro wa Ukraine umeingia katika hatua mpya ya msuguano mkali wa kijiopolitiki baada ya Urusi kuongeza kasi ya mashambulizi ya makombora na droni, mara tu baada ya kushindikana kwa mawasiliano ya ngazi ya juu kati ya Mkurugenzi wa Shirika la Ujasusi la Marekani (CIA), John Ratcliffe, na maafisa wa Kremlin.

    Kwa mujibu wa taarifa ya jarida la The Washington Post, Ratcliffe alifanya safari mjini Moscow akiwa na ujumbe wa maonyo kwamba hali ya Urusi ingezidi kuwa mbaya iwapo haingekubali meza ya mazungumzo. Hata hivyo, watu wanaofahamu mwenendo wa mawasiliano hayo wamebainisha kuwa Rais Vladimir Putin alitafsiri msukumo huo wa Marekani si kama nguvu ya shinikizo, bali kama ishara ya wazi ya udhaifu na ukosefu wa uvumilivu wa kimkakati kutoka upande wa Magharibi.

    Kama jibu la moja kwa moja, jeshi la Urusi lilizidisha mashambulizi makubwa ya anga kote Ukraine, likilenga miundombinu muhimu na vituo vya ulinzi.

    Ripoti zinaonyesha kuwa Kremlin inabaki na imani thabiti kwamba wakati na mwenendo wa vita vya sasa vya kuchoshana vinafanya kazi kwa manufaa ya Moscow. Msimamo huu unazidisha ugumu kwa serikali ya Washington katika kubadili mwelekeo wa vita hivyo kupitia njia za kidiplomasia bila kuongeza misaada mikubwa zaidi ya kijeshi.

  • Putin aonya nchi za magharibi “meli zetu sio shamba la bibi, mkizikamata na sisi tutakamata za kwenu”

    Putin aonya nchi za magharibi “meli zetu sio shamba la bibi, mkizikamata na sisi tutakamata za kwenu”

    Rais Vladimir Putin ameonya kuwa Russia itajibu kwa hatua sawia iwapo nchi za Ulaya zitaanza kukamata meli za kibiashara za Russia, akisema Moscow inaweza kuchukua hatua hiyo hata katika maeneo tofauti na ambako meli zake zitazuiliwa.

    Akizungumza wakati wa mazoezi ya Jeshi la Wanamaji la Russia katika eneo la Sakhalin, Putin alizishutumu baadhi ya nchi kwa kukiuka sheria za kimataifa za baharini kwa kujaribu kuzuia usafiri wa meli za Russia na kujadili uwezekano wa kuzikamata na kuuza mali zake. Aliita hatua hiyo “uharamia na wizi.”

    Putin alisema iwapo hatua hizo zitaanza kutekelezwa kwa vitendo, Russia italazimika kujibu “kwa namna ileile,” na kwamba majibu hayo hayatalazimika kufanyika katika eneo lilelile ambako meli za Russia zimezuiliwa, bali “popote” Moscow itakapoona inafaa.

    Kamanda wa Jeshi la Wanamaji la Pacific, Admiral Viktor Liina, pia alimwambia Putin kuwa Russia ina uwezo wa kukagua na kuzuilia meli za nchi inazozitaja kuwa zisizo rafiki, akidai kuwa baadhi ya mataifa ya Magharibi hutumia meli zilizosajiliwa chini ya bendera za nchi nyingine kusafirisha bidhaa zao.

  • Putin akataa kuonana na Zelenskyy, aita mazungumzo hayo “kupoteza muda”

    Putin akataa kuonana na Zelenskyy, aita mazungumzo hayo “kupoteza muda”

    MOSCOW/KYIV — Jitihada za kidiplomasia za kusaka amani katika mzozo unaoendelea kati ya Urusi na Ukraine zimepata pigo kubwa baada ya Rais wa Urusi, Vladimir Putin, kususia ombi la kufanya mazungumzo ya ana kwa ana na mwenzake wa Ukraine, Volodymyr Zelenskyy.

    Katika msimamo mkali ambao unazidi kuondoa matumaini ya suluhu ya kidiplomasia, Rais Putin amekaririwa akisema kuwa kwa sasa, hakuna haja ya kufanya mazungumzo hayo, akidai kuwa hayana tija yoyote kwa wakati huu.

    Hatua hiyo imekuja mara baada ya Rais Zelenskyy kuandika barua ya wazi akiomba kukutana na kiongozi huyo wa Urusi ana kwa ana ili kumaliza uhasama. Hata hivyo, majibu ya Moscow yamekuwa ya kukatisha tamaa.

  • “Urusi imechagua vita badala ya amani” Zelensky baada ya putin kukataa wito wake

    “Urusi imechagua vita badala ya amani” Zelensky baada ya putin kukataa wito wake

    Akijibu uamuzi huo wa Urusi, Rais Zelenskyy amesema kuwa kwa kukataa wito wa mazungumzo, Urusi imeonesha wazi msimamo wake wa kuendeleza mapigano.

    “Kwa mara nyingine tena, Urusi imechagua vita badala ya amani,” alisema Zelenskyy katika ujumbe wake, akionyesha masikitiko yake juu ya jinsi juhudi za kusaka suluhu zinavyogonga mwamba.

    Uchambuzi wa wachunguzi wa mambo ya kimataifa unaeleza kuwa kukataa huku kwa Putin ni ishara tosha kwamba mvutano kati ya nchi hizo mbili huenda ukachukua muda mrefu zaidi, huku ulimwengu ukiendelea kushuhudia madhara makubwa ya kibinadamu na kiuchumi yanayotokana na mzozo huu.

  • Baada ya Trump; Putin kuzuru China wiki ijayo – je China ndiye mkuu mpya?

    Baada ya Trump; Putin kuzuru China wiki ijayo – je China ndiye mkuu mpya?

    Rais wa Urusi Vladimir Putin anatarajiwa kufanya ziara nchini China wiki ijayo. Hayo yameripotiwa Ijumaa na gazeti la South China Morning Post likinukuu vyanzo vinavyofahamu maandalizi ya safari hiyo.

    Kwa mujibu wa vyanzo hivyo, ziara ya Putin haitatarajiwa kuwa na sherehe au maandalizi makubwa kama yale yaliyoonekana wakati wa mkutano wa viongozi wa Marekani na China uliofanyika Beijing wiki hii.

    Ripoti zinaeleza kuwa ziara hiyo imepangwa kufanyika kwa muda mfupi, ikitarajiwa kufanyika siku ya Jumatano pekee. Vyanzo visivyotajwa majina vimesema safari hiyo ni sehemu ya mawasiliano na ushirikiano wa kawaida kati ya Moscow na Beijing, bila mipango ya gwaride au mapokezi makubwa.

    Wakati huo huo, msemaji wa Kremlin Dmitry Peskov amethibitisha kuwa maandalizi ya ziara hiyo yanaendelea. Akiwaambia waandishi wa habari Ijumaa, Peskov amesema tarehe rasmi ya safari hiyo itatangazwa hivi karibuni.

  • Putin: Nimepokea ujumbe kutoka kwa Kiongozi Mkuu wa Iran

    Putin: Nimepokea ujumbe kutoka kwa Kiongozi Mkuu wa Iran

    Rais wa Urusi Vladimir Putin amesema kuwa alipokea ujumbe kutoka kwa Kiongozi Mkuu wa Jamhuri ya Kiislamu ya Iran wiki iliyopita.Putin pia alimtakia Kiongozi Mkuu wa Iran afya njema na mafanikio, akisisitiza kuwa anatumai salamu zake za dhati zitawasilishwa kwake.Aidha, rais huyo wa Urusi alieleza kuwa nchi yake iko tayari kufanya juhudi zozote zitakazolinda maslahi ya Iran pamoja na nchi nyingine za eneo hilo, kwa lengo la kusaidia kurejesha amani katika Mashariki ya Kati kwa haraka iwezekanavyo.