Utaridi 2.0 Staging

Lebo: Trump

  • CBS Yakanusha Madai ya Trump Kuhusu Kuangamizwa kwa Jeshi la Iran

    CBS Yakanusha Madai ya Trump Kuhusu Kuangamizwa kwa Jeshi la Iran

    WASHINGTON – Shirika la habari la Marekani, CBS, limetoa ripoti inayofafanua kuwa madai yaliyotolewa na Donald Trump kuhusu hali ya vikosi vya kijeshi vya Iran hayana msingi wa ukweli.

    Katika mazungumzo yake na waandishi wa habari siku ya Ijumaa, Trump alidai tena kuwa jeshi la anga na jeshi la majini la Jamhuri ya Kiislamu ya Iran vimeangamizwa kikamilifu. Hata hivyo, uchunguzi wa CBS umebainisha kuwa matamshi hayo ni ya upotoshaji na hayalingani na uhalisia wa nguvu za kijeshi za nchi hiyo kwa sasa.

    Hii si mara ya kwanza kwa Trump kutoa madai kama hayo, ambayo wachambuzi wa mambo ya usalama wanayaona kama sehemu ya shinikizo la kisiasa, huku vyombo vya habari vya kimataifa vikiendelea kuhoji usahihi wa taarifa hizo.

  • Trump kuhusu Iran: kama lingekuwa pambano la masumbwi, lingesitishwa mara moja

    Trump kuhusu Iran: kama lingekuwa pambano la masumbwi, lingesitishwa mara moja

    Rais wa Marekani, Donald Trump, ametoa matamshi mapya kuhusu Iran, akisisitiza msimamo mkali juu ya suala la nyuklia pamoja na maendeleo ya hali ya kiusalama katika eneo la Ghuba.Trump amesema kuwa “Marekani haiwezi kuruhusu Iran kupata silaha za nyuklia kwa njia yoyote ile.” Ameeleza kuwa hatua hiyo, kwa mtazamo wake, itahatarisha usalama wa kimataifa.a

    Aidha, katika kauli zake, alidai kuwa kuna kiasi kikubwa cha mafuta kilichopo katika Mlango wa Hormuz na kwamba yakiachiliwa sokoni, bei ya petroli inaweza kushuka kwa kiwango ambacho hajawahi kushuhudiwa.

    Akitaja uvamizi wa sasa wa Marekani dhidi ya Iran, Trump alisema kuwa Marekani “inaongoza na kushinda katika mgogoro huo,” akifananisha hali hiyo na pambano ambalo, kwa maelezo yake, “lingesimamishwa mara moja kutokana na kutokuwa na uwiano.”

  • Utafiti waonyesha asilimia 47 ya Wanademokrasia wanaamini jaribio la kumuua Trump lilipangwa

    Utafiti waonyesha asilimia 47 ya Wanademokrasia wanaamini jaribio la kumuua Trump lilipangwa

    Gazeti moja nchini Marekani limeripoti kuwa utafiti mpya wa Taasisi ya Manhattan umeonesha matokeo ya kushangaza kuhusu mtazamo wa wanachama wa chama cha Democratic kufuatia jaribio la kumuua rais, Donald Trump.

    Kwa mujibu wa utafiti huo, takribani asilimia 47 ya Wanademokrasia wanaamini kuwa jaribio la kumuua Trump lililotokea mjini Butler, jimbo la Pennsylvania, wakati wa kampeni zake za uchaguzi, lilipangwa na kuandaliwa na wafuasi wake wenyewe ili kuongeza uungwaji mkono kwake kisiasa.

    Ripoti hiyo imezua mjadala mpana katika medani za kisiasa Marekani, huku wachambuzi wakitaja matokeo hayo kuwa ishara ya kuongezeka kwa kutokuaminiana kati ya wafuasi wa vyama vikuu nchini humo.

    w

  • Trump aendeleza Mashambulizi yake dhidi ya kiongozi wa Ujerumani

    Trump aendeleza Mashambulizi yake dhidi ya kiongozi wa Ujerumani

    Rais wa Marekani Donald Trump ameendelea kumkosoa vikali Kansela wa Ujerumani Friedrich Merz, katika chapisho lake la Truth social akisema kwamba anapaswa kuelekeza juhudi zaidi katika jitihada za kukomesha vita vinavyoendelea kati ya Urusi na Ukraine, ambavyo amedai kwamba hadi sasa havijaonyesha mafanikio makubwa chini ya uongozi wake.

    Ameongeza kuwa kiongozi huyo pia anapaswa kushughulikia changamoto zinazokabili taifa lake, ikiwemo masuala ya uhamiaji na nishati, badala ya kujihusisha na mambo yanayohusu mataifa yanayopambana kutokomeza tishio la nyuklia la Iran.Kwa mujibu wa Rais wa Marekani, Donald J. Trump, hatua hizo zingesaidia kuifanya dunia, ikiwemo Ujerumani, kuwa mahali salama zaidi.

  • USS Gerald R. Ford itaondoka Mashariki ya Kati katika siku zijazo

    USS Gerald R. Ford itaondoka Mashariki ya Kati katika siku zijazo

    USS Gerald R. Ford itaondoka Mashariki ya Kati katika siku zijazo.

    Meli ya kubeba ndege USS Gerald R. Ford inatarajiwa kuondoka Mashariki ya Kati na kuanza kurejea Marekani katika siku zijazo, kulingana na The Wall Street Journal.

  • Trump amvaa kansela wa Ujerumani baada ya kiongozi huyo kusema Marekani imedhalilishwa na Iran

    Trump amvaa kansela wa Ujerumani baada ya kiongozi huyo kusema Marekani imedhalilishwa na Iran

    Rais wa Marekani, Donald Trump, amemkosoa vikali Kansela wa Ujerumani Hasira ya Trump kwa Ujerumani kunatokana na kukiri kwake kudhalilishwa vibaya kwa Marekani mbele ya Iran.

    kufuatia kauli hiyo Rais wamarekani amedai kwamba Kansela wa Ujerumani haoni umiliki wa silaha za nyuklia kwa Iran kuwa ni tatizo kubwa.Trump amedai kuwa Kansela huyo wa Ujerumani “hajui anachokizungumza” na kwamba kauli kama hizo zinaweza kudhoofisha msimamo wa Marekani dhidi ya Iran.

    Aidha, Trump ameituhumu Ujerumani kwa, akisema si jambo la kushangaza kwamba nchi hiyo, kwa maoni yake, inafanya vibaya katika uchumi na maeneo mengine muhimu.