Utaridi 2.0 Staging

Mwandishi: Hussein Suleiman

  • Makombora Mawili Yapiga Meli ya Kivita ya Marekani Baada ya Kupuuza Onyo la Iran

    Makombora Mawili Yapiga Meli ya Kivita ya Marekani Baada ya Kupuuza Onyo la Iran

    JASK, IRAN — Vyanzo vya habari vya eneo la Kusini vimeripoti tukio la mashambulizi ya makombora mawili yaliyolenga meli ya kivita ya Marekani katika maji ya karibu na Jask, nchini Iran. Tukio hilo limetokea leo Jumatatu, baada ya meli hiyo kudaiwa kuvunja kanuni za usalama wa usafiri na kujaribu kupita katika Bahari nyembamba ya Hormuz bila kibali rasmi kutoka Serikali ya Jamhuri ya Kiislamu ya Iran.

    Kwa mujibu wa ripoti hizo, meli ya Marekani ilipuuzia onyo lililotolewa na Jeshi la Wanamaji la Iran, hali iliyosababisha kushambuliwa kwa makombora. Baada ya mashambulizi hayo, meli hiyo ilishindwa kuendelea na safari yake na kulazimika kuondoka kwa haraka kutoka eneo la tukio.

    Serikali ya Iran imekuwa ikisisitiza mara kwa mara kwamba meli zote za kivita na za kibiashara lazima zipate kibali rasmi kabla ya kupita katika Bahari ya Hormuz. Imeonya kwamba kupuuza agizo hilo kutajibiwa kwa hatua kali na jeshi.

    Mpaka kufikia wakati wa kuandaa taarifa hii, hakuna maelezo ya kina yaliyotolewa kuhusu kiwango cha uharibifu au idadi ya vifo na majeruhi.

    Chanzo: Vyanzo vya habari vya ndani

  • Mfalme Mohammed vi wa Moroko amemteua Moulay el Hassan kama mrithi ufalme

    Mfalme Mohammed vi wa Moroko amemteua Moulay el Hassan kama mrithi ufalme

    Mfalme Mohammed VI wa Morocco amemteua Mrithi wa Kiti cha Ufalme, Mwanamfalme Moulay El Hassan (22), kushika wadhifa wa juu wa uratibu wa kijeshi ndani ya Vikosi vya Ulinzi vya Kifalme (FAR). Uteuzi huo unaashiria jukumu lake la kwanza la kiutendaji lenye uzito ndani ya jeshi.

    Kwa mujibu wa taarifa hiyo, Mwanamfalme amepewa nafasi ya “Mratibu wa Ofisi na Huduma za Makao Makuu ya Vikosi vya Ulinzi vya Kifalme (FAR)”. Nafasi hiyo inachukuliwa kuwa muhimu kwa sababu inaunganisha shughuli za vifaa, ujasusi na mikakati ya kijeshi katika muundo wa juu wa uongozi wa jeshi.

    Wachambuzi wa masuala ya kijeshi wanasema nafasi hiyo ni ya kiutendaji na inahusisha usimamizi wa karibu wa shughuli za jeshi, badala ya kuwa jukumu la heshima pekee.

    Hatua hiyo pia inaonekana kufuata njia ile ile aliyopita Mfalme Mohammed VI alipokuwa mrithi wa kiti cha enzi, kabla ya kuchukua majukumu makubwa zaidi ya uongozi.

  • Rais wa Cuba Asisitiza Upinzani Dhidi ya Vitisho na uvamizi wa aina yoyote

    Rais wa Cuba Asisitiza Upinzani Dhidi ya Vitisho na uvamizi wa aina yoyote

    Havana — Rais wa Cuba amesema kuwa nchi yake haitasalimisha kamwe mbele ya mvamizi yeyote, akisisitiza kuwa wananchi wa Cuba wako tayari kupinga uchokozi wowote bila kujali nguvu ya anayehusika.

    Kauli hiyo ilitolewa kufuatia kurudiwa kwa vitisho kutoka kwa Rais wa zamani wa Marekani, Donald Trump, dhidi ya Cuba. Rais huyo alieleza kuwa hakuna mvamizi, hata akiwa na uwezo mkubwa kiasi gani, atakayefaulu kuilazimisha Cuba kujisalimisha.

    Aliongeza kuwa mvamizi yeyote atakabiliwa na wananchi waliodhamiria kulinda mamlaka na uhuru wa taifa lao, na kutetea kila sehemu ya ardhi ya Cuba kwa azma na mshikamano.

  • Asilimia kubwa ya Wamarekani wamelaani vita vya Trump dhidi ya Iran, 61% wasema la

    Asilimia kubwa ya Wamarekani wamelaani vita vya Trump dhidi ya Iran, 61% wasema la

    Kura ya maoni ya The Washington Post–ABC–Ipsos inaonyesha kuwa Wamarekani wengi wanaona vita vya Trump na Iran vibaya, huku 61% wakiita kuwa ni makosa na ni idadi ndogo tu wanaona kuwa ni mafanikio. Kwa ujumla, kutopendwa kwa vita hivyo kumefikia viwango sawa na Vita vya Iraq katika kilele chake na Vita vya Vietnam katika miaka ya 1970.

  • Joseph Kabila amelaani vikwazo vya Marekani, asema sio halali

    Joseph Kabila amelaani vikwazo vya Marekani, asema sio halali

    Rais wa zamani wa Jamhuri ya Kidemokrasia ya Kongo, Joseph Kabila, amelaani vikwazo vya Marekani dhidi yake kwa madai ya kuwaunga mkono waasi wa AFC/M23 mashariki mwa Kongo na kuvitaja kuwa “visivyo halali na vya matashi ya kisiasa.”

    Ikitanza vikwazo hivyo siku ya Alhamisi, Idara ya Wizara ya Fedha ya Marekani Inayosimamia Udhibiti wa Mali za Kigeni ilimtuhumu Kabila kuwa amekuwa akilifadhili kifedha kundi la waasi wa AFC ili kuwa na ushawishi wa kisaisa mashariki mwa Kongo na kuwachochea wanajeshi wa kuachana na jeshi la taifa na kujiunga na safu ya waasi.

    Ofisi ya Kabila imepinga na kupuuza vikwazo hivyo kwa sababu madai yaliyotolewa dhidi ya Joseph Kabila hayajathibitishwa hadi sasa.

    Joseph Kabila alikuwa Rais wa Jamhuri ya Kidemokrasia ya Kongo kuanzia mwaka 2001 hadi 2019, na anaishi Afrika Kusini tangu mwaka 2023.

    Mapema mwaka jana, Kabila alijitokeza hadharani mashariki mwa Kongo katika maeneo yanayodhibitiwa na waasi na kueleza nia yake ya kurejea nyumbani “kusaidia juhudi za kutafuta suluhisho” la mgogoro wa mashariki mwa Kongo.

    Kabila amedai kuwa wakati wa uongozi wake alipata mafanikio kadhaa ikiwa ni pamoja na kuiunganisha nchi, kurejesha utulivu hatua kwa hatua na maridhiano ya kitaifa.

  • Mojtaba Khamenei: Iran itaweka ‘kanuni mpya’ katika mlango wa bahari wa Hormuz

    Mojtaba Khamenei: Iran itaweka ‘kanuni mpya’ katika mlango wa bahari wa Hormuz

    Ayatullah Seyyed Mojtaba Khamenei, Kiongozi wa Mapinduzi ya Kiislamu, ametangaza mwanzo wa “sura mpya” kwa Mlango Bahari wa Hormuz, njia ya kimkakati ya baharini.

    Aidha amesisitiza kuwa Iran itaweka kanuni mpya za usimamizi katika Mlango wa Bahari wa Hormuz kufuatia uchokozi wa hivi karibuni wa Marekani na Israel dhidi ya nchi hiyo.

    Ayatullah Khamenei alitoa kauli hizo katika ujumbe uliotolewa Alhamisi kuadhimisha Siku ya Kitaifa ya Ghuba ya Uajemi. Kila mwaka tarehe 30 Aprili, Iran hukumbuka ushindi wake wa kihistoria wa mwaka 1622 dhidi ya utawala wa kikoloni uliokuwa umeikalia kwa mabavu sehemu ya pwani yake ya kusini.

    Maadhimisho ya mwaka huu yamekuja hasa miezi miwili tangu Marekani na utawala wa Israel walipoanzisha vita vya kichokozi dhidi ya Iran tarehe 28 Februari.

    Katika ujumbe wake, Ayatullah Khamenei ameitaja Ghuba ya Uajemi kuwa ni “neema isiyoweza kubadilishwa” kwa mataifa ya Kiislamu ya eneo hilo.