Utaridi 2.0 Staging

Kategoria: MASHARIKI YA KATI

  • Rais Pezeshkian Amemsifia Kiongozi Muadhamu baada ya kukutana naye kwa muda wa masaa 2

    Rais Pezeshkian Amemsifia Kiongozi Muadhamu baada ya kukutana naye kwa muda wa masaa 2

    Rais Masoud Pezeshkian amesimulia kwa kina mkutano wake wa hivi karibuni na Kiongozi Muadhamu wa Mapinduzi ya Kiislamu, Ayatullah Seyyed Mojtaba Khamenei, akielezea hali ya kikao hicho pamoja na sifa za binafsi, kimaadili na kiuongozi alizozishuhudia kwa Kiongozi huyo.

    Rais Pezeshkian amesema mkutano huo ulifanyika katika mazingira ya ukarimu na uaminifu na kuendelea kwa takriban masaa mawili na nusu.

    Kwa mujibu wa Rais Pezeshkian, kilichojitokeza zaidi kuliko jambo lolote ni mtazamo wa unyenyekevu, uaminifu wa dhati na heshima ya hali ya juu wa Kiongozi Muadhamu, mwenendo uliogeuza kikao hicho kuwa majadiliano yaliyojengwa juu ya imani, utulivu, kuelewana na mazungumzo ya wazi ya moja kwa moja.

    Rais Pezeshkian amesisitiza pia umuhimu wa kuimarisha mshikamano, kuaminiana na huruma katika ngazi zote za usimamizi wa serikali na utawala wa nchi.

    Amebainisha kuwa pale kiongozi wa juu kabisa wa taifa anaposhirikiana na maafisa na wananchi kwa maadili ya hali ya juu, unyenyekevu na roho ya kuwajali watu, mwenendo huo huwa mfano wa kuigwa katika mfumo mzima wa utawala na uongozi wa nchi.

  • CBS: Mashambulizi mapya dhidi ya meli za kivita za Marekani yalikuwa makali zaidi kuliko yale ya siku chache zilizopita

    CBS: Mashambulizi mapya dhidi ya meli za kivita za Marekani yalikuwa makali zaidi kuliko yale ya siku chache zilizopita

    Washington, Marekani — Vyanzo vya shirika la habari la CBS vimeripoti kuwa meli za kivita za Marekani, USS Truxtun na USS Mason, zimeshambuliwa vikali na vikosi vya Iran katika Bahari ya Oman.

    Maafisa wa Marekani wameeleza kuwa mashambulizi hayo yalikuwa makubwa na ya muda mrefu zaidi ikilinganishwa na yale yaliyotekea siku kadhaa zilizopita.Kwa mujibu wa taarifa hiyo, boti za kasi za Iran zilikaribia manowari hizo kwa umbali hatari, hali iliyozilazimisha meli za Marekani kutumia mizinga ya baharini, mfumo wa silaha za kujihami za karibu (CIWS) pamoja na bunduki zilizowekwa juu ya staha.

    AAidha, maafisa wa Marekani wamesema kuwa Iran ilitumia ndege zisizo na rubani (drones) na makombora katika oparesheni hiyo, jambo lililoonyesha ongezeko la uhasama na hatari katika eneo la ghuba.

  • Trump: mashambulizi dhidi ya iran ni love tap “mguso mdogo tu”, usitishaji vita bado unaendelea

    Trump: mashambulizi dhidi ya iran ni love tap “mguso mdogo tu”, usitishaji vita bado unaendelea

    Rais Donald Trump amesema katika mahojiano na ABC News kwamba mashambulizi dhidi ya Iran yalikuwa “mguso mdogo tu,” akisisitiza kuwa makubaliano ya usitishaji vita bado yanaendelea kutekelezwa.

    Akizungumza na kituo hicho, Trump alisema: “Ni mguso mdogo tu,” akimaanisha mashambulizi hayo.

    Aidha aliongeza kuwa usitishaji vita bado upo na unaendelea kutekelezwa.

  • Marekani Imekiuka Mkataba wa Kusitisha Vita, Imelenga Meli ya Mafuta ya Iran Karibu na Mlango wa Hormuz

    Marekani Imekiuka Mkataba wa Kusitisha Vita, Imelenga Meli ya Mafuta ya Iran Karibu na Mlango wa Hormuz

    Iran imedai kuwa majeshi ya Marekani yamekiuka makubaliano ya kusitisha mapigano baada ya kushambulia tanker ya mafuta ya Iran iliyokuwa ikielekea Mlango wa Hormuz kutoka maji ya pwani karibu na Jask.

    Kulingana na taarifa hiyo, shambulio hilo pia lilihusisha chombo kingine kilichokuwa kinaingia katika njia ya maji mkabala na Bandari ya Fujairah katika Falme za Kiarabu (UAE), pamoja na maeneo ya kiraia.

    Kwa mujibu wa jeshi la Iran, vikosi vyake vilijibu mara moja kwa mashambulizi ya kulipiza kisasi, yakilenga mali za kijeshi za Marekani mashariki mwa Mlango wa Hormuz.

    Vyanzo vya Iran vimeripoti kuwa baadhi ya vitengo vya majini vya Marekani vilipata uharibifu, huku meli za kivita za Marekani zikionekana kuondoka katika eneo hilo.

    Hata hivyo, Kamandi Kuu ya Marekani (CENTCOM) imesema majeshi yake yalichukua hatua za kujilinda baada ya kudai kuzuia makombora ya Iran, ndege zisizo na rubani na boti ndogo.

    Kwa mujibu wa Marekani, hakuna mali zake za kijeshi zilizoharibiwa na mashambulizi hayo yalilenga miundombinu ya kijeshi ya Iran pekee.Iran kwa upande wake imesisitiza kuwa makabiliano hayo yalianza kutokana na kile ilichokiita uchokozi wa Marekani, ikionya kwamba mashambulizi yoyote zaidi yatakabiliwa na majibu ya haraka na makali.

    Tukio hilo limeongeza wasiwasi wa kuongezeka kwa mvutano katika Mlango wa Hormuz, mojawapo ya njia muhimu zaidi za usafiri wa baharini duniani.

  • Saudi Arabia yafunga anga na kambi zake za kijeshi kwa Marekani

    Saudi Arabia yafunga anga na kambi zake za kijeshi kwa Marekani

    Vyanzo vyenye taarifa katika eneo la Ghuba ya Uajemi vimeripoti kuwa Saudi Arabia imefunga anga yake pamoja na baadhi ya kambi zake za kijeshi kwa matumizi ya Marekani.

    Hatua hiyo inadaiwa kuchukuliwa baada ya Riyadh kukosa dhamana za usalama kutoka Washington dhidi ya uwezekano wa mashambulizi ya makombora kutoka Iran.

    Kwa mujibu wa ripoti iliyochapishwa na mtandao wa habari wa Israel, i24News, Saudi Arabia imesema vikwazo hivyo vitaendelea hadi Marekani itakapotoa dhamana za wazi za ulinzi dhidi ya mashambulizi yanayoweza kutokea.

    Vyanzo hivyo vimeeleza kuwa viongozi wa Saudi Arabia wanaamini Iran itaendelea kuwa na ushawishi hata kama itafikia makubaliano na Marekani, jambo linaloifanya Riyadh kutaka kuepuka kuhusika moja kwa moja katika mvutano wowote na Tehran.

    Ripoti hiyo pia inaeleza kuwa Saudi Arabia itaendelea kupunguza matumizi ya anga yake na kambi zake na Marekani kwa shughuli zinazohusiana na kile kilichoitwa “Mradi wa Uhuru”, hadi Washington itakapoweka wazi mipango yake ya kijeshi na kutoa ulinzi unaofaa dhidi ya mashambulizi ya Iran.

    Hata hivyo, vyanzo katika eneo la Ghuba vimesisitiza kuwa hatua hiyo haimaanishi Saudi Arabia inapinga ushirikiano wake na Marekani, bali inalenga kupunguza hatari ya kushambuliwa na makombora ya Iran.

  • Jeshi la Iran lapiga meli za Marekani baada ya Marekani kukiuka maagano ya usitishaji wa vita

    Jeshi la Iran lapiga meli za Marekani baada ya Marekani kukiuka maagano ya usitishaji wa vita

    Msemaji wa Makao Makuu ya Khatam al‑Anbiya ametangaza kuwa jeshi la Marekani limetekeleza mashambulizi dhidi ya meli za Iran na maeneo ya pwani, kitendo ambacho kimetajwa kuwa uvunjaji wa makubaliano ya kusitisha mapigano.

    Kwa mujibu wa taarifa hiyo, meli ya mafuta ya Iran iliyokuwa ikisafiri kutoka eneo la Jask kuelekea Mlango wa Hormuz, pamoja na meli nyingine iliyokuwa ikiingia katika mlango huo karibu na Bandari ya Fujairah, zilishambuliwa na vikosi vya Marekani.

    Wakati huohuo, mashambulizi ya anga yaliripotiwa kufanyika kwenye maeneo ya raia katika Bandari ya Khamir, Sirik na Kisiwa cha Qeshm, kwa ushirikiano na baadhi ya nchi za eneo hilo.

    Taarifa hiyo imeongeza kuwa vikosi vya Jamhuri ya Kiislamu ya Iran vilijibu mara moja kwa kushambulia manowari na vyombo vingine vya kijeshi vya Marekani mashariki mwa Mlango wa Hormuz na kusini mwaBandari ya Chabahar, na kusababisha uharibifu uliotajwa kuwa mkubwa.Msemaji huyo amesisitiza kuwa Iran itatoa jibu kali kwa hatua yoyote inayotafsiriwa kuwa uvamizi au uchokozi dhidi ya eneo lake.