Utaridi 2.0 Staging

Lebo: habari

  • Iran yaonya Ufaransa na Uingereza dhidi ya kupeleka manowari katika Mlango wa Hormuz.

    Iran yaonya Ufaransa na Uingereza dhidi ya kupeleka manowari katika Mlango wa Hormuz.

    Naibu Waziri wa Mambo ya Nje wa Iran anayeshughulikia masuala ya kisheria na kimataifa, Kazem Gharibabadi, ameonya Ufaransa na Uingereza dhidi ya kupeleka manowari katika Mlango wa Hormuz, akisisitiza kuwa Iran haitaruhusu kuingiliwa na mataifa ya nje katika usalama wa njia hiyo muhimu ya bahari.

    Katika ujumbe aliouchapisha kwenye mtandao wa kijamii wa X siku ya Jumapili, Gharibabadi alisema Jamhuri ya Kiislamu ya Iran ndiyo nchi pekee yenye uwezo wa kuhakikisha usalama wa Mlango wa Hormuz, iwe katika nyakati za amani au vita.

    Kauli hiyo imekuja kufuatia taarifa kwamba Ufaransa imepanga kupeleka meli yake ya kubeba ndege za kivita, Charles de Gaulle, katika Bahari Nyekundu na Ghuba ya Aden kama sehemu ya maandalizi ya ushirikiano wa kijeshi wa baadaye kati ya Paris na London katika eneo la Mlango wa Hormuz.

    Aidha, serikali ya Uingereza imesema itatuma moja ya manowari zake katika Bahari Nyekundu kwa kushirikiana na Ufaransa.

    Gharibabadi alionya kuwa kupelekwa kwa majeshi kutoka nje ya eneo hilo karibu na Mlango wa Hormuz kwa kisingizio cha kulinda usafirishaji wa baharini kunaweza kuongeza mvutano na kuzidisha mgogoro katika eneo hilo.

    Alisema pia kuwa kuimarishwa kwa uwepo wa kijeshi katika njia hiyo muhimu ya bahari kunalenga kuficha chanzo halisi cha ukosefu wa usalama katika eneo hilo, akirejea vita alivyodai kuwa vya uchokozi vinavyohusishwa na Marekani na Israel dhidi ya Iran.

    Kwa mujibu wa mwanadiplomasia huyo, usalama wa baharini hauwezi kupatikana kupitia maonyesho ya nguvu za kijeshi, hasa kutoka kwa nchi ambazo, kwa mtazamo wake, zinachangia matatizo ya eneo hilo kwa kuunga mkono au kunyamazia vitendo vya uchokozi na vikwazo dhidi ya Iran.

    Gharibabadi alisisitiza kuwa chanzo kikuu cha ukosefu wa usalama katika eneo hilo ni matumizi yasiyo halali ya nguvu, vitisho dhidi ya mataifa ya pwani, vizuizi vya baharini na kupuuzwa kwa misingi ya Mkataba wa Umoja wa Mataifa.

    Mwisho, Gharibabadi alionya kuwa manowari za Ufaransa, Uingereza au nchi nyingine yoyote zitakabiliwa na majibu ya haraka na madhubuti kutoka kwa Vikosi vya Jeshi la Iran ikiwa zitahusika katika hatua zozote zisizo halali au za uhasama katika Mlango wa Hormuz.

  • Waziri wa Mambo ya Nje Abbas Araghchi amesisitiza haja ya kuimarisha na kupanua uhusiano wa pande mbili na Vietnam.

    Waziri wa Mambo ya Nje Abbas Araghchi amesisitiza haja ya kuimarisha na kupanua uhusiano wa pande mbili na Vietnam.

    Balozi mpya wa Iran nchini Vietnam, Javad Ghasemi, amekutana na Waziri wa Mambo ya Nje wa Iran, Abbas Araghchi, siku ya Jumapili kabla ya kuondoka kuelekea Hanoi kuanza rasmi majukumu yake ya kidiplomasia.

    Katika mkutano huo, Ghasemi alimueleza Waziri Araghchi kuhusu malengo ya ujumbe wake na mipango aliyoiandaa kwa ajili ya kuimarisha uhusiano kati ya Tehran na Hanoi.

    Kwa upande wake, Waziri Araghchi alisisitiza umuhimu wa kupanua na kuimarisha zaidi ushirikiano kati ya Iran na Vietnam, hususan katika sekta za kisiasa, kiuchumi, biashara na utalii.

  • Meli ya gesi ya Qatar yaripotiwa kupita Mlango wa Hormuz kwa ruhusa ya Iran

    Meli ya gesi ya Qatar yaripotiwa kupita Mlango wa Hormuz kwa ruhusa ya Iran

    Meli ya kubeba gesi asilia iliyoyeyushwa (LNG) inayomilikiwa na Qatar, iitwayo “Al‑Khariyat”, imetuma ishara katika maji ya Bahari ya Oman, kulingana na taarifa za ufuatiliaji wa meli.

    Taarifa zinaonyesha kuwa meli hiyo ilionekana jana katika eneo la lango la Mlango wa Hormuz kabla ya kuzima mfumo wake wa utambuzi wa kiotomatiki wa meli (AIS).Meli hiyo inaripotiwa kuelekea Pakistan.

    Vyanzo vinaeleza kuwa huenda ikawa meli ya kwanza isiyohusiana na Iran kuruhusiwa kupita katika Mlango wa Hormuz na Jeshi la Wanamaji la Walinzi wa Mapinduzi ya Kiislamu tangu kuanza kwa kile kinachotajwa kama mzingiro au vitendo vya uharamia wa baharini vinavyohusishwa na Marekani.

  • ‘Usaliti’ au Uhuru? tetesi UAE kujindoa katika umoja wa nchi za kiarabu ili kuikumbatia Israel

    ‘Usaliti’ au Uhuru? tetesi UAE kujindoa katika umoja wa nchi za kiarabu ili kuikumbatia Israel

    Baadhi ya vyanzo vya habari vinaripoti uwezekano wa Falme za Kiarabu (UAE) kujiondoa katika Umoja wa Nchi za Kiarabu, wiki moja baada ya kutangazwa kwa habari za kujiondoa kwa nchi hiyo kutoka kundi la nchi zinazouza nje mafuta (OPEC).

    Ingawa taarifa hiyo bado haijathibitishwa rasmi na mamlaka za UAE au Umoja wa Nchi za Kiarabu, wachambuzi wanasema hatua hiyo ingeashiria mabadiliko makubwa ya kimkakati katika sera ya nje ya Abu Dhabi. Mabadiliko hayo yanaweza kuathiri mustakabali wa moja ya taasisi kongwe zaidi katika ulimwengu wa Kiarabu.

    Umoja wa Nchi za Kiarabu, ambao ni miongoni mwa taasisi za zamani zaidi za ushirikiano wa kikanda katika Asia ya Magharibi, unaweza kukumbwa na athari kubwa endapo UAE itaamua kujiondoa rasmi.

    Nchi hiyo ni miongoni mwa wanachama wa mwanzo na pia ni moja ya mataifa yenye nguvu kiuchumi ndani ya umoja huo.Kwa mujibu wa wachambuzi wa masuala ya kisiasa, kuondoka kwa UAE kunaweza kuchukuliwa kama pigo kubwa kwa Umoja wa Nchi za Kiarabu, na huenda kukazua maswali kuhusu mustakabali wa taasisi hiyo yenye takribani miaka 80.Kwa upande wa UAE, hatua kama hiyo inaweza kusababisha ukosoaji na tuhuma za “usaliti” kutoka kwa baadhi ya nchi za Kiarabu katika muda mfupi.

    Hata hivyo, baadhi ya wachambuzi wanaamini kwamba katika muda mrefu inaweza kuipa Abu Dhabi uhuru mkubwa zaidi wa kimkakati katika sera zake za nje na kupunguza utegemezi wake kwa mfumo wa pan‑Arabism.

  • Mwakilishi wa Bunge la Marekani asema Trump ni tishio kwa usalama wa nchi

    Mwakilishi wa Bunge la Marekani asema Trump ni tishio kwa usalama wa nchi

    Mwakilishi wa Chama cha Democratic katika Bunge la Marekani, Seth Moulton, amesema kuwa rais wa Marekani Donald Trump ni tishio kwa usalama na uthabiti wa Marekani.

    Akizungumza kuhusu wasiwasi unaoibuka juu ya umri na mwenendo wa Trump, Moulton alisema ni kawaida kwa watu wanapozeeka kupungua uwezo wao wa kufanya maamuzi, lakini hali hiyo inaweza kuwa hatari zaidi inapomhusu mtu anayewania au kushika nafasi muhimu ya uongozi wa taifa.

    Moulton alisisitiza kuwa, kwa maoni yake, wananchi wengi wanaona Trump kuwa hatari kwa wanajeshi wa Marekani, uchumi wa nchi pamoja na usalama wa taifa.

    wAliongeza kuwa orodha ya masuala yanayozua wasiwasi kuhusu Trump ni ndefu, akisema pia kwamba kwa sasa Trump anaonekana kuwa hatari zaidi kuliko alivyokuwa wakati wa muhula wake wa kwanza wa urais.

  • Putin: Kuendelea kwa vita kati ya Marekani na Iran hakuna faida kwa yeyote

    Putin: Kuendelea kwa vita kati ya Marekani na Iran hakuna faida kwa yeyote

    Putin amesema kuwa kuendelea kwa vita kati ya Marekani na Iran hakutanufaisha upande wowote.

    Amesema pia kuwa mgogoro huo ni mgumu sana na umeiweka Urusi katika hali ngumu, akieleza kwamba Moscow ina uhusiano mzuri na Iran pamoja na nchi za Kiarabu.