Utaridi 2.0 Staging

Kategoria: Uncategorized

  • Muungano wa Madaktari Kenya waipa serikali masaa 48, Hatutaki Ebola Kenya

    Muungano wa Madaktari Kenya waipa serikali masaa 48, Hatutaki Ebola Kenya

    Muungano wa Madaktari, Wafamasia na Madaktari wa Meno nchini Kenya (KMPDU) umepatia serikali muda wa saa 48 kueleza hadharani masharti kamili ya makubaliano yake na Marekani au ikabiliwe na mgomo wa kitaifa wa madaktari.

    Ni baada ya kutangazwa kwamba, wataalamu wa magonjwa ya kuambukiza kutoka Marekani wamewasili nchini Kenya na tayari wanaendelea na maandalizi ya kituo maalumu cha Ebola ambacho Waziri wa Mashauri ya Kigeni wa Marekani, Marco Rubio, amesema kitaanza kufanya kazi ndani ya siku saba zijazo.

    Kwa mujibu wa vyanzo, kituo hicho kinajengwa karibu na maeneo ya kijeshi ya Uingereza katika Kaunti ya Laikipia.

    Lengo lake limetajwa kuwa ni kwa ajili ya kuwatenga raia wa Marekani walioathiriwa au waliokaribiana na virusi vya Ebola.

    Katibu Mkuu wa KMPDU, Dkt Davji Bhimji Atellah, amesema kituo hicho kinaanzishwa katika Kituo cha Anga cha Laikipia.

    “Kenya ni taifa huru, si eneo la kutengwa wagonjwa wa magonjwa hatari kwa maslahi ya kisiasa,” amesema Dkt Atellah.

    “Hatutakubali Kenya kutumiwa kama mahali pa kuhifadhi wagonjwa wa virusi hatari ambavyo havikutoka nchi yetu.”

    Muungano huo umeitaka serikali kueleza kwa nini Kenya imechaguliwa kupokea raia wa Marekani walio na Ebola ilhali mataifa jirani na maeneo yaliyoathirika zaidi hayajapewa jukumu hilo.

    “Ikiwa Amerika inaamini safari ya saa 12 ya kuwarudisha raia wake Washington ni hatari sana, kwa mantiki gani ni salama kuwaleta Kenya?” alihoji Dkt Atellah.

    Muungano huo pia umesema hautakubali mfumo wa afya wa kibaguzi nchini Kenya.KMPDU imesema haitakubali madaktari wa Kenya kutumiwa kama wafanyakazi wa bei rahisi katika mazingira hatari bila mishahara bora, marupurupu ya kazi hatari na bima kamili ya afya.

    Wakati huo huo, Wizara ya Afya kupitia Katibu katika Idara ya Afya ya Umma Mary Muthoni ilisema Kenya ina uhuru wa kushirikiana na mataifa mengine katika kupambana na Ebola iliyosababisha zaidi ya vifo 100 nchini DRC.

  • Mgogoro wa kisiasa Senegal , Rais amchagua Aminou Lo kama Waziri Mkuu

    Mgogoro wa kisiasa Senegal , Rais amchagua Aminou Lo kama Waziri Mkuu

    Mgogoro wa kisiasa wa Senegal umeshika kasi huku Rais wa nchi hiyo Bassirou Diomaye Faye akimteua mchumi Ahmadou Al Aminou Lo katika nafasi ya Waziri Mkuu akichukua nafasi ya Ousmane Sonko aliyefutwa kazi.

    Kuteuliwa Ahmadou Al Aminou Lo katika cheo cha Waziri Mkuu kumeshadidisha mpasuko wakati huu ambapo Bunge la Senegal limepanga kupiga kura kwa ajili ya kumrejesha Sonko katika nafasi ya ubunge.

    Rais Bassirou Diomaye Faye wa Senegal amemteua Mchumi wa Ngazi ya juu na mfanyakazi wa zamani wa benki Kuu ya nchi hiyo Ahmadou Al Amodou Lo kuwa Waziri Mkuu ikiwa zimepita siku kadhaa baada ya kumfuta kazi mshauri wake wa zamani Ousmane Sonko na kuivunja serikali.

    Lo, anayesifiwa kwa utaalamu wake katika mifumo ya kifedha; anachukua madaraka huku Senegal ikiwa imelemewa na mzigo wa deni unaofikia asilimia 132 ya Pato la Taifa na huku IMF ikiwa imesimamisha msaada wa dola bilioni 1.8 kwa nchi hiyo.

    Weledi wa masuala ya kisiasa wanasema kuwa kufukuzwa Sonko katika cheo cha Waaziri Mkuu shakhsia maarufu sana na aliyekuwa na mchango mkubwa katika kuingia mamlakani Rais Faye kunaashiria kupamba moto mvutano wa miezi kadhaa kati ya pande mbili hizo.

    Bunge la Senegal leo Jumanne lilipanga kupiga kuhusu kurejeshwa Ousmane Sonko katika nafasi ya Naibu na kumchagua Spika Mpya kufuatia kujiuzulu mshirika wake El Malick Ndiaye.

  • Iran Yatangaza Mfumo Mpya wa Malipo Kwa Meli Zinazopita Katika Mlango-Bahari wa Hormuz

    Iran Yatangaza Mfumo Mpya wa Malipo Kwa Meli Zinazopita Katika Mlango-Bahari wa Hormuz

    TEHRAN, IRAN– Serikali ya Jamhuri ya Kiislamu ya Iran imetoa ufafanuzi rasmi kuhusiana na usimamizi wa njia za maji katika eneo la Ghuba, ikisema kuwa haina mpango wa kutoza “ushuru wa kupita” (tolls) kwa meli za kimataifa zinazotumia Mlango-bahari wa Hormuz.

    Badala yake, Tehran imetangaza mpango wa kuanzisha mfumo wa malipo kwa ajili ya “huduma za baharini” na hatua za “uhifadhi wa mazingira” katika Ghuba ya Uajemi na Ghuba ya Oman.

    Muktadha wa Sheria na HudumaKulingana na vyanzo vya habari nchini Iran, ikiwemo shirika la habari la serikali (IRNA), hatua hii inalenga kuimarisha usalama wa baharini na kutoa fidia kwa gharama ambazo Iran inaingia katika kulinda mfumo wa ikolojia wa bahari hiyo.

    Chini ya Mkataba wa Umoja wa Mataifa wa Sheria ya Bahari (UNCLOS), mataifa hayawezi kutoza ushuru kwa meli zinazopita katika milango-bahari ya kimataifa kwa ajili ya usafiri wa transit, lakini yanaweza kutoza gharama kwa huduma maalum zinazotolewa.

    Viongozi wa mamlaka ya bandari na baharini nchini Iran wamesisitiza kuwa:

    1. Huduma za Kiufundi:Gharama hizo zitahusisha huduma za uongozi wa meli (pilotage), uokoaji, na usalama wa mawasiliano.

    2. Ulinzi wa Mazingira:Kutokana na msongamano mkubwa wa meli za mafuta, Iran inadai kuwa na jukumu kubwa la kusafisha uchafuzi na kuzuia uharibifu wa mazingira, jambo ambalo sasa litagharamiwa na watumiaji wa njia hizo.

    Mlango-bahari wa Hormuz ni moja kati ya njia muhimu zaidi za nishati duniani, ambapo takriban asilimia 20 ya mafuta yote yanayotumiwa duniani hupita hapo. Wachambuzi wa masuala ya kijiopolitika wanaona hatua hii kama mbinu ya Iran kuimarisha udhibiti wake katika eneo hilo huku ikifuata misingi ya kisheria ya kimataifa ili kuepuka migogoro ya moja kwa moja na mataifa ya magharibi na mashirika ya usafirishaji.

    Hadi sasa, mataifa makubwa na mashirika ya usafirishaji wa baharini bado yanatathmini jinsi gharama hizi mpya zitakavyoathiri bei ya usafirishaji na usalama wa safari katika eneo hilo lenye mvutano wa kisiasa.

  • Urusi yaanzisha mashumbulizi mazito Ukraine, yatoa onyo kali kwa raia kuondoka Kyiv

    Urusi yaanzisha mashumbulizi mazito Ukraine, yatoa onyo kali kwa raia kuondoka Kyiv

    KYIV, UKRAINE – Mji mkuu wa Ukraine, Kyiv, upo katika hali ya taharuki kufuatia majeshi ya Urusi kuanzisha wimbi jipya la mashambulizi ya kimkakati yanayolenga viwanda na asasi mbalimbali za kijeshiKutokana na operesheni hiyo, Serikali ya Urusi imetoa onyo kali na kuwashauri raia wote wa kigeni kuondoka haraka iwezekanavyo mjini humo. Wakati huo huo, wakazi wa Kyiv wametakiwa kuchukua tahadhari kubwa kwa kutokusogelea maeneo yote ya miundombinu ya kijeshi na ofisi za kiutawala ili kunusuru maisha yaKwa mujibu wa taarifa rasmi kutoka Wizara ya Mambo ya Nje ya Shirikisho la Urusi, uamuzi wa kuzidisha mashambulizi haya unakuja kama majibu ya shambulio la Starobilsk, tukio ambalo Urusi imeeleza kuwa limefikisha mwisho ukomo wa uvumilivu waoKatika awamu hii, mashambulizi ya Urusi yameelekezwa rasmi kwenye maeneo yanayotumika kusanifu, kuzalisha, na kuandaa matumizi ya ndege zisizo na rubani (drones) za Ukraine. Aidha, operesheni hiyo inalenga moja kwa moja vituo vya kufanyia maamuzi na ofisi kuu za makamanda wa kijeshiHatua hii inaashiria mwelekeo mpya na hatari zaidi katika mgogoro huu, huku kukiwa na hofu ya kuwepo kwa mpango mkakati wa kuiharibu kabisa Kyiv. Kinadharia, inakadiriwa kuwa huenda ikachukua muda wa mwezi mmoja pekee kuufanya mji huo mkuu usiweze tena kukalika na binadamu Kwa sasa, macho na masikio ya ulimwengu yanaelekezwa nchini humo kusubiri na kuona iwapo matamshi haya mazito ya kidiplomasia na kijeshi yataakisiwa na vitendo halisi katika uwanja wa vita.#utaridi

  • Timu ya Taifa ya Iran Kupokelewa Tijuana Baada ya Marekani Kudinda

    Timu ya Taifa ya Iran Kupokelewa Tijuana Baada ya Marekani Kudinda

    Rais wa Meksiko, Claudia Sheinbaum, ametangaza rasmi kuwa nchi yake itaikaribisha timu ya taifa ya soka ya Iran katika mji wa Tijuana kwa ajili ya maandalizi ya Kombe la Dunia.

    Uamuzi huo wa upendo umekuja baada ya Marekani kukataa kutoa kibali kwa timu hiyo ya Iran kuweka kambi na kukaa katika jimbo la Arizona.

    Hatua hiyo ya Marekani ilizua sintofahamu kuhusu mahali ambapo timu hiyo ingefanyia maandalizi yake, kabla ya Rais Sheinbaum kuingilia kati na kutoa mji wa Tijuana kama mbadala.

    Akizungumza na waandishi wa habari, Rais Sheinbaum amethibitisha kuwa Meksiko iko tayari kutoa ushirikiano kamili kwa wanamichezo hao ili kuhakikisha wanaendelea na ratiba yao bila hitilafu yoyote.

    Suala hili limevuta hisia za wengi katika ulimwengu wa soka, huku Tijuana ikitarajiwa kuwa kitovu cha maandalizi ya Iran kuelekea kilele cha michuano hiyo mikubwa duniani.

  • Murkomen atangaza Jumatano sikukuu ya Idd-ul-Adha

    Murkomen atangaza Jumatano sikukuu ya Idd-ul-Adha

    WAZIRI wa Usalama wa Ndani Kipchumba Murkomen ametangaza Jumatano kama sikukuu ya kitaifa.Kupitia notisi ya gazeti iliyochapishwa Jumatatu Mei 25, waziri huyo alitangaza kuwa siku hiyo ni ya Idd-ul-Adha ama sikukuu ya kuchinja kwa Waislamu.Idd-ul-Adha maarufu kama Iddi huadhimisha katika siku ya 10 ya Dhul Hijjah baada ya mahujaji kukamilisha ziara ya kidini ya Hajj, Mecca, Saudi Arabia.Siku hiyo huamuliwa kutokana na mwaandamo wa mwezi na kwa wasioenda Hajj, siku 10 za Dhul Hajj huwa ni za kufunga.“Kutokana na mamlaka ya Sheria za Sikukuu za Kitaifa, Waziri wa Usalama wa Ndani anatangaza kuwa Jumatano Mei 27 itakuwa sikukuu ya kitaifa kuadhimisha Eid-ul-Adha,” ikasema notisi hiyo ya gazeti.Idd-ul-Adha ni tofauti na Idd-ul-Fitr ambayo huashiria mwisho wa mfungo wa Ramadhan.Siku hii ni ya kuadhimisha jinsi Mwenyezi Mungu alimwonea Ibrahimu imani na kumpa kondoo wa kiume achinje badala mwanawe Ishmael.Wanyama wenye kuchinjwa ni mbuzi, kondoo, ng’ombe na ngamia pekee.Ngamia na ngome wanasimamia watu saba (mnaweza kuchangisha watu saba kumnunua) kisha mbuzi na kondoo ni mtu mmoja.Mnyama anayechinjwa hafai kuwa na ulemavu wowote na nyama yake hugawanywa sehemu tatu ambazo ni chakula cha nyumbani (wewe na familia yako), kisha sehemu ya pili maskini na fukara na sehemu ya tatu ni majirani.