Utaridi 2.0 Staging

Lebo: Iran

  • Mvutano wa nyuklia: Iran yagomea pendekezo la Marekani lakuhamisha Urani nje ya nchi

    Mvutano wa nyuklia: Iran yagomea pendekezo la Marekani lakuhamisha Urani nje ya nchi

    Kwa mujibu wa chanzo cha Iran kilichonukuliwa na Al Jazeera, Washington iliwasilisha pendekezo linalodai kupatiwa urani iliyoboreshwa kwa kiwango cha juu cha asilimia 60.Chanzo hicho kilieleza kuwa Washington ilikataa mpango wa kuhamisha urani hiyo kwenda Urusi, na badala yake ilipendekeza ihamishiwe katika nchi ya tatu.

    Kwa upande wake, Iran ilikataa kuhamisha urani nje ya ardhi yake, ikisema iko tayari kupunguza kiwango cha urani hiyo chini ya usimamizi wa Shirika la Kimataifa la Nishati ya Atomiki (IAEA).

    Iran pia ilieleza utayari wa kupunguza urani iliyoboreshwa sana hadi viwango vya 3.7% na 20%.Aidha, chanzo hicho kiliongeza kuwa Washington ilitaka kusitishwa kwa urutubishaji wa urani kwa kipindi cha miaka 20, jambo ambalo Iran ililikataa.

  • Waziri Mkuu wa Uingereza: Katu Sitawahi kuingia vitani na Iran

    Waziri Mkuu wa Uingereza: Katu Sitawahi kuingia vitani na Iran

    Waziri Mkuu wa Uingereza amesema kuwa nchi yake haitajiunga katika vita na Iran. Akizungumza kuhusu suala hilo, Keir Starmer alisisitiza kuwa serikali yake haitaruhusu Uingereza kuingia katika mgogoro wa kijeshi na Tehran.

    Starmer alieleza kuwa kuingia vitani na Iran kungeilazimu Uingereza kukabiliana moja kwa moja na taifa hilo, jambo ambalo amesema hataliruhusu kutokea.

    Aidha, Waziri Mkuu huyo alitangaza kuwa katika mkutano ujao wa Umoja wa Ulaya atawasilisha mwelekeo mpya wa sera kwa Uingereza.

  • Spika wa Bunge la Iran, Ghalibaf, aonya kuhusu uwezekano wa uchokozi wa kijeshi dhidi ya Iran.

    Spika wa Bunge la Iran, Ghalibaf, aonya kuhusu uwezekano wa uchokozi wa kijeshi dhidi ya Iran.

    Spika wa Bunge la Iran, Mohammad Bagher Ghalibaf, ameonya kuhusu uwezekano wa hatua za kijeshi dhidi ya Iran, akisisitiza kuwa vikosi vya ulinzi vya nchi hiyo viko tayari kujibu kwa nguvu dhidi ya aina yoyote ya uchokozi.

    Katika kauli yake, Ghalibaf amesema kuwa “mikakati na maamuzi mabaya huzaa matokeo mabaya,” akiongeza kuwa dunia tayari imejifunza kutokana na uzoefu uliopita.

    Aidha, amesema Iran ipo tayari kukabiliana na hali yoyote inayoweza kujitokeza, huku akidai kuwa “watashangazwa” na majibu ya nchi hiyo.

  • Trump Azungumza na Netanyahu Kuhusu Majibu ya Iran, Akataa Pendekezo la Tehran

    Trump Azungumza na Netanyahu Kuhusu Majibu ya Iran, Akataa Pendekezo la Tehran

    Rais wa Marekani Donald Trump amesema amezungumza na Waziri Mkuu wa Israel Benjamin Netanyahu kuhusu majibu ya hivi karibuni ya Iran katika mazungumzo yanayoendelea kuhusu mgogoro huo.

    Trump alielezea mazungumzo yao kama “simu nzuri sana” na kusema kuwa Marekani ina uhusiano mzuri na Israel.Akizungumza kuhusu majibu ya Tehran, Trump alisema amekataa pendekezo jipya la Iran lililolenga kumaliza vita. Katika mahojiano na Axios, alisema haridhishwi na barua iliyotumwa na Iran, akisema kuwa haifai na kwamba hapendi majibu yao.

    Trump pia alitoa kauli kali dhidi ya Iran, akidai kuwa kwa muda wa miaka 47 nchi hiyo imekuwa ikitumia mbinu za udanganyifu dhidi ya mataifa mengi.

    Kauli hizo zinakuja baada ya Washington kusubiri kwa siku 10 kupokea majibu ya Tehran, huku mvutano ukiendelea na kukiwa na hofu ya kuongezeka tena kwa mgogoro. Hata hivyo, Trump hakutoa ufafanuzi iwapo mazungumzo yataendelea au kama uwezekano wa hatua za kijeshi bado unazingatiwa.

  • Jenerali Abdollahi akutana na Amiri Mkuu wa Majeshi, awasilisha ripoti ya utayari wa vikosi vya Iran

    Jenerali Abdollahi akutana na Amiri Mkuu wa Majeshi, awasilisha ripoti ya utayari wa vikosi vya Iran

    Jenerali Abdollahi, Kamanda wa Makao Makuu ya Khatam‑al‑Anbiya, amekutana na Amiri Mkuu wa Majeshi, Ayatollah Sayyid Mojtaba Khamenei, na kuwasilisha ripoti kuhusu kiwango cha utayari wa vikosi vya ulinzi vya Jamhuri ya Kiislamu ya Iran.Katika mkutano huo, Jenerali Abdollahi alieleza kuwa vikosi vya jeshi la Iran, vikiwemo Jeshi la Kitaifa, Walinzi wa Mapinduzi ya Kiislamu (IRGC), vikosi vya polisi, vyombo vya usalama, walinzi wa mipaka, Wizara ya Ulinzi pamoja na wanachama wa Basij, viko katika hali ya juu ya utayari.

    Alisema kuwa wapiganaji wana morali ya juu ya kivita, mipango ya kimkakati iliyoandaliwa pamoja na vifaa na silaha za kutosha kukabiliana na vitendo vyovyote vya uadui.Kwa mujibu wa ripoti hiyo, vikosi vya ulinzi viko tayari kujibu haraka na kwa nguvu iwapo kutatokea uchokozi au uvamizi wowote kutoka kwa maadui.

    Jenerali Abdollahi pia alimhakikishia Amiri Mkuu wa Majeshi kuwa wanajeshi wataendelea kutii kikamilifu maelekezo yake na kulinda malengo ya Mapinduzi ya Kiislamu, ardhi ya Iran, mamlaka ya taifa na maslahi ya wananchi.

    Kwa upande wake, Ayatollah Sayyid Mojtaba Khamenei aliwashukuru wanajeshi na wapiganaji wa vikosi vya ulinzi kwa juhudi na ujasiri wao. Aidha, alitoa maelekezo mapya kwa ajili ya kuendeleza hatua za ulinzi na kuimarisha uwezo wa kukabiliana kwa nguvu na maadui, akisisitiza umuhimu wa kuendeleza mafanikio yaliyopatikana katika operesheni zilizopita.

  • CNN: Tathmini ya kijasusi ya Marekani inaonesha kwamba Kiongozi wa Mapinduzi ya Kiislamu, licha ya kujeruhiwa, bado anaendelea kuamua mikakati ya nchi kwa siri.

    CNN: Tathmini ya kijasusi ya Marekani inaonesha kwamba Kiongozi wa Mapinduzi ya Kiislamu, licha ya kujeruhiwa, bado anaendelea kuamua mikakati ya nchi kwa siri.

    Mtandao wa CNN umeripoti kuwa tathmini ya kijasusi ya Marekani inaonyesha kwamba Kiongozi wa Mapinduzi ya Kiislamu bado anaendelea kuelekeza mikakati ya Iran licha ya kuripotiwa kujeruhiwa.

    Kwa mujibu wa ripoti mpya ya Shirika la Ujasusi la Marekani (CIA), maamuzi muhimu ya Iran kuhusu vita pamoja na uwezekano wa makubaliano na Marekani bado yanafanywa moja kwa moja kwa maelekezo ya Ayatollah Mojtaba Khamenei.

    Ripoti hiyo inaeleza kuwa kiongozi huyo aliielekeza timu ya mazungumzo ya Iran kutoonyesha msimamo wa kulegeza masharti kuhusu kile kilichoelezwa kama “uwezo wa ulinzi” wa nchi, na badala yake kuzingatia mazungumzo yanayohusiana na suala la Mlango wa Bahari wa Hormuz.

    Aidha, tathmini hiyo inadai kuwa amri ya kuhifadhi takribani asilimia 70 ya akiba ya makombora pamoja na asilimia 75 ya vizindua makombora vya Iran ilitolewa moja kwa moja na uongozi wa juu wa Iran, kwa lengo la kuhakikisha uwezo wa kuendeleza vita kwa muda mrefu.

    Ripoti hiyo pia inaongeza kuwa maagizo ya kuratibu mashambulizi ya kikanda bado hutolewa baada ya kupokea idhini ya mwisho kutoka kwa uongozi wa Iran.