Utaridi 2.0 Staging

Lebo: Ufaransa

  • “Mwisho wa Karne ya Marekani”: Mgombea urais Ufaransa Atabiri Kuanguka kwa Utawala wa Dola

    “Mwisho wa Karne ya Marekani”: Mgombea urais Ufaransa Atabiri Kuanguka kwa Utawala wa Dola

    Mgombea wa urais wa Ufaransa Jean‑Luc Mélenchon amesema kuwa migogoro ya sasa ya kimataifa inaweza kuashiria mwisho wa kile alichokiita “karne ya Marekani”.

    wAkizungumzia nafasi ya Marekani katika mfumo wa kimataifa, Mélenchon alisema kuwa nguvu ya Marekani haitokani sana na uwezo wake wa kijeshi bali na nafasi ya dola ya Marekani katika uchumi wa dunia. Kwa mujibu wake, dola ndiyo msingi mkuu wa ushawishi wa Marekani.

    Aliongeza kuwa Marekani imejizatiti kijeshi ili kuhakikisha kuwa dola inaendelea kuwa sarafu yenye nguvu katika biashara ya kimataifa. Hata hivyo, alisema kuwa polepole baadhi ya benki kuu duniani zinaanza kupunguza utegemezi wao kwa sarafu hiyo.

  • Mwanamke mwenye asili ya kiirani ndiye chanzo cha Macron kuchapwa kofi na mkewe

    Mwanamke mwenye asili ya kiirani ndiye chanzo cha Macron kuchapwa kofi na mkewe

    Mwandishi wa jarida la Kifaransa la Paris Match, Florian Tardif, ametoa madai mapya kuhusu kile alichodai kuwa ni chanzo cha mvutano kati ya Rais wa Ufaransa Emmanuel Macron na mkewe Brigitte Macron.

    Akizungumza na kituo cha redio cha RTL, Tardif — ambaye pia ni mwandishi wa kitabu “Wanandoa Wakamilifu” — alisema tukio lililosambazwa na Ikulu ya Élysée nchini Vietnam katika kipindi cha masika ya mwaka 2025 lilikuwa ni ugomvi kati ya rais huyo na mkewe.Kwa mujibu wa madai hayo, tofauti hiyo ilihusishwa na kile kilichoelezwa kuwa uhusiano wa “Kiplatoniki” kati ya Macron na mwigizaji wa Kii­rani na Kifaransa, Golshifteh Farahani, mwenye umri wa miaka 42.

    Tardif alidai hali hiyo ilipelekea Brigitte Macron kumpiga kofi mumewe.Hata hivyo, hadi sasa Ikulu ya Élysée pamoja na wahusika waliotajwa hawajathibitisha madai hayo.Wakati huo huo, gazeti la Le Figaro limechapisha taarifa hiyo kupitia majukwaa yake ya mtandaoni, huku mjadala mkubwa ukiendelea kusambaa katika mitandao ya kijamii nchini Ufaransa.

  • Baada ya onyo la Iran, Macron akana mpango wa kupeleka meli za kivita Hormuz

    Baada ya onyo la Iran, Macron akana mpango wa kupeleka meli za kivita Hormuz

    Rais wa Ufaransa Emmanuel Macron amesema kuwa nchi yake haikuwahi kupanga kupeleka vikosi vya majini katika Mlango wa Hormuz.

    Badala yake, amesema Ufaransa ilikuwa inapendekeza ujumbe wa usalama wa kidiplomasia ambao ungefanyika kwa uratibu na Iran.Akizungumza kuhusu hali ya usalama katika eneo hilo, Macron alisisitiza kuwa operesheni za kijeshi za kutumia nguvu kufungua tena mlango huo wa bahari si jambo linalowezekana na zinaweza kuongeza hatari wakati mvutano wa kikanda ukiendelea.

    Kwa mujibu wa rais huyo, hatua ya kwanza inapaswa kuwa kusitishwa kwa mapigano, kisha kufanyika mazungumzo ya kimataifa yanayohusisha Iran ili kuhakikisha usafiri wa baharini unakuwa salama.

    Mlango wa Hormuz umeathiriwa sana tangu mwishoni mwa Februari 2026 kufuatia mashambulizi na vitisho vinavyohusishwa na uvamizi wa Marekani na Israel dhidi ya Iran. Ufaransa pamoja na Uingereza zimekuwa zikishinikiza kuanzishwa kwa ujumbe wa ulinzi wa kimataifa utakaotekelezwa baada ya kupungua kwa uhasama, ukihusisha zaidi ya nchi 50 na kutenganishwa na operesheni za kijeshi za vita.

    Katika hatua nyingine, Ufaransa ilipeleka kundi la meli za kivita linaloongozwa na meli ya kubeba ndege ya Charles de Gaullekuelekea Bahari Nyekundu mapema Mei 2026 kama sehemu ya mkakati wa kuimarisha usalama bila kuongeza mvutano. Macron pia anatarajiwa kufanya mikutano na washirika kadhaa, wakiwemo India, ili kujadili uwezekano wa mfumo wa kusindikiza meli kwa hiari mara tu mashambulizi yatakapositishwa.

  • Iran yaonya Ufaransa na Uingereza dhidi ya kupeleka manowari katika Mlango wa Hormuz.

    Iran yaonya Ufaransa na Uingereza dhidi ya kupeleka manowari katika Mlango wa Hormuz.

    Naibu Waziri wa Mambo ya Nje wa Iran anayeshughulikia masuala ya kisheria na kimataifa, Kazem Gharibabadi, ameonya Ufaransa na Uingereza dhidi ya kupeleka manowari katika Mlango wa Hormuz, akisisitiza kuwa Iran haitaruhusu kuingiliwa na mataifa ya nje katika usalama wa njia hiyo muhimu ya bahari.

    Katika ujumbe aliouchapisha kwenye mtandao wa kijamii wa X siku ya Jumapili, Gharibabadi alisema Jamhuri ya Kiislamu ya Iran ndiyo nchi pekee yenye uwezo wa kuhakikisha usalama wa Mlango wa Hormuz, iwe katika nyakati za amani au vita.

    Kauli hiyo imekuja kufuatia taarifa kwamba Ufaransa imepanga kupeleka meli yake ya kubeba ndege za kivita, Charles de Gaulle, katika Bahari Nyekundu na Ghuba ya Aden kama sehemu ya maandalizi ya ushirikiano wa kijeshi wa baadaye kati ya Paris na London katika eneo la Mlango wa Hormuz.

    Aidha, serikali ya Uingereza imesema itatuma moja ya manowari zake katika Bahari Nyekundu kwa kushirikiana na Ufaransa.

    Gharibabadi alionya kuwa kupelekwa kwa majeshi kutoka nje ya eneo hilo karibu na Mlango wa Hormuz kwa kisingizio cha kulinda usafirishaji wa baharini kunaweza kuongeza mvutano na kuzidisha mgogoro katika eneo hilo.

    Alisema pia kuwa kuimarishwa kwa uwepo wa kijeshi katika njia hiyo muhimu ya bahari kunalenga kuficha chanzo halisi cha ukosefu wa usalama katika eneo hilo, akirejea vita alivyodai kuwa vya uchokozi vinavyohusishwa na Marekani na Israel dhidi ya Iran.

    Kwa mujibu wa mwanadiplomasia huyo, usalama wa baharini hauwezi kupatikana kupitia maonyesho ya nguvu za kijeshi, hasa kutoka kwa nchi ambazo, kwa mtazamo wake, zinachangia matatizo ya eneo hilo kwa kuunga mkono au kunyamazia vitendo vya uchokozi na vikwazo dhidi ya Iran.

    Gharibabadi alisisitiza kuwa chanzo kikuu cha ukosefu wa usalama katika eneo hilo ni matumizi yasiyo halali ya nguvu, vitisho dhidi ya mataifa ya pwani, vizuizi vya baharini na kupuuzwa kwa misingi ya Mkataba wa Umoja wa Mataifa.

    Mwisho, Gharibabadi alionya kuwa manowari za Ufaransa, Uingereza au nchi nyingine yoyote zitakabiliwa na majibu ya haraka na madhubuti kutoka kwa Vikosi vya Jeshi la Iran ikiwa zitahusika katika hatua zozote zisizo halali au za uhasama katika Mlango wa Hormuz.

  • Mgombea wa Urais wa Ufaransa Jean‑Luc Mélenchon: Tutaondoka NATO haina faida yoyote, inatumika kwa jambo moja tu: kutuweka chini ya usimamizi wa Marekani.

    Mgombea wa Urais wa Ufaransa Jean‑Luc Mélenchon: Tutaondoka NATO haina faida yoyote, inatumika kwa jambo moja tu: kutuweka chini ya usimamizi wa Marekani.

    Mgombea wa urais wa Ufaransa, Jean-Luc Mélenchon, ametoa matamshi makali kuhusu sera ya mambo ya nje ya Ufaransa, akisema kuwa nchi hiyo inapaswa kujiondoa katika muungano wa kijeshi wa NATO na kuchukua msimamo huru zaidi kimataifa.

    Mélenchon alisema kuwa NATO haina manufaa kwa Ufaransa na kwamba muungano huo unaifanya nchi hiyo kuwa chini ya usimamizi wa Marekani. Kwa mujibu wake, Ufaransa inapaswa kujitegemea katika maamuzi yake ya kiusalama na kidiplomasia.

    Katika kauli zake kuhusu Asia, Mélenchon alisisitiza kwamba Taiwan ni sehemu ya China, na akaeleza kuwa iwapo atachaguliwa kuwa rais, Ufaransa haitashiriki vita dhidi ya China.

    Akizungumzia hali ya Mashariki ya Kati, Mélenchon aliitaja Israeli kuwa nchi hatari zaidi katika eneo hilo kwa sasa, akiishutumu kwa kuwashambulia majirani zake na kuchochea vita. Pia alidai kuwa serikali ya Waziri Mkuu Benjamin Netanyahu inaendesha mauaji ya kimbari.

    Aidha, Mélenchon alisema aliwahi kumuuliza jenerali anayesimamia kikosi cha Umoja wa Mataifa kuhusu hatua ambazo zingechukuliwa iwapo Lebanon ingevamiwa. Kwa mujibu wake, jenerali huyo alisema kuwa maagizo ya kikosi hicho ni kujiondoa. Mélenchon alikosoa kauli hiyo, akisema hana uelewa wa jinsi kikosi cha kulinda amani kinaweza kuondoka badala ya kuzuia mapigano.

    Katika sehemu nyingine ya matamshi yake, Mélenchon alisisitiza kuwa Ufaransa inapaswa kujibu kwa nguvu endapo mwanajeshi wake atashambuliwa. Pia alipinga ndege za Marekani kutumia anga au vituo vya kijeshi vya Ufaransa.

    Kauli hizo zinaonyesha msimamo mkali wa Mélenchon kuhusu uhuru wa Ufaransa katika sera za nje, pamoja na mtazamo wake kuhusu migogoro ya kimataifa na ushawishi wa mataifa makubwa.

  • Mgombea urais wa Ufaransa Mélenchon Aishutumu Israel, Asema Ni Tishio Kubwa Zaidi Mashariki ya Kati

    Mgombea urais wa Ufaransa Mélenchon Aishutumu Israel, Asema Ni Tishio Kubwa Zaidi Mashariki ya Kati

    Jean-Luc Mélenchon, mgombea wa urais wa Ufaransa, amesema kuwa Israel kwa sasa ndiyo nchi hatari zaidi katika eneo la Mashariki ya Kati.

    Ameieleza Israel kuwa ndiyo inayowashambulia majirani zake, kuchochea vita, na kutekeleza mauaji ya kimbari, akibainisha kuwa anapoitaja Israel analenga serikali ya Waziri Mkuu Benjamin Netanyahu.

    Katika kauli nyingine, Mélenchon amesema aliwahi kumuuliza jenerali anayesimamia kikosi cha Umoja wa Mataifa kuhusu hatua ambazo zingechukuliwa iwapo Netanyahu angeivamia Lebanon. Kwa mujibu wa Mélenchon, jenerali huyo alimjibu kuwa maagizo yao ni kujiondoa.

    Mélenchon amesema hakuelewa namna kikosi cha kulinda amani kinaweza kujiondoa badala ya kuingilia kati ili kuzuia mapigano.Aidha, amesema kuwa iwapo askari wa Ufaransa atashambuliwa, basi Ufaransa inapaswa kujibu.

    Pia amesisitiza kuwa ndege za Marekani hazipaswi kuruka juu ya anga ya Ufaransa wala kutumia kambi za kijeshi za Ufaransa, akieleza wazi kuwa anapinga hali hiyo.