Utaridi 2.0 Staging

Mwandishi: Suleiman Ali

  • Mbunge wa Marekani afichua hasara ya ndege 39 katika vita dhidi ya Iran

    Mbunge wa Marekani afichua hasara ya ndege 39 katika vita dhidi ya Iran

    WASHINGTON — Mbunge wa Marekani kutoka Chama cha Democratic, Ed Case, amesema kuwa jeshi la Marekani lilipoteza angalau ndege 39 wakati wa vita vya siku 40 vilivyohusisha Marekani na Israel dhidi ya Iran.

    Case alitoa taarifa hiyo Jumanne katika kikao cha kamati ya Seneti alipokuwa akimuhoji Afisa Mkuu wa Fedha wa Pentagon, Jay Hurst, kuhusu kiwango cha hasara za kijeshi zilizopatikana katika operesheni hiyo.Akirejelea ripoti ya The War Zone, mbunge huyo alisema kuwa Marekani ilipoteza takriban ndege 39, huku akibainisha kuwa taarifa hiyo ilitolewa karibu mwezi mmoja uliopita.

    Aidha, aliitaka Pentagon kueleza iwapo tayari imefanya tathmini ya gharama za muda mrefu za ukarabati na uingizwaji wa vifaa vilivyoharibiwa au kupotea vitani.

    Kwa upande wake, Hurst hakutoa takwimu kamili za gharama hizo, akisema Pentagon bado inahitaji kufanya “uchunguzi kamili” kabla ya kutoa makadirio rasmi.“Kuna gharama zinazohusiana na hasara hizo, lakini nitawasilisha majibu kwa maandishi,” alisema Hurst mbele ya kamati hiyo.

    Kwa mujibu wa ripoti ya The War Zone, Jeshi la Anga la Marekani lilifanya karibu safari za ndege 13,000 katika kipindi cha siku 40 za vita dhidi ya Iran.

  • SIRI NZITO WHITE HOUSE: Trump Aacha maagizo ya Siri kwa Makamu Wake Kutumika Iwapo Atauawa

    SIRI NZITO WHITE HOUSE: Trump Aacha maagizo ya Siri kwa Makamu Wake Kutumika Iwapo Atauawa

    Rais wa Marekani Donald Trump ameripotiwa kuandika barua ya siri ambayo itatumika iwapo atafariki dunia au kuuawa. Taarifa hii imevutia umakini wa vyombo vya habari wakati Trump akiwa ameanza safari ya kidiplomasia nchini China huku kukiwa na ongezeko la vitisho vya kiusalama dhidi yake.

    Kwa mujibu wa Sebastian Gorka, mmoja wa maafisa wakuu wa kupambana na ugaidi katika Ikulu ya White House, Trump aliandika barua hiyo akimwelekeza Makamu wa Rais J.D. Vance.

    Inadaiwa kuwa barua hiyo imehifadhiwa katika droo ya meza ya rais ndani ya White House ili itumike iwapo kutatokea kifo chake au jaribio la kumuua litakalofanikiwa.

    Ufunuo huu unakuja wakati Trump anakaribia kutimiza miaka 80, jambo ambalo limefanya mjadala kuhusu umri wake na afya yake ya mwili kuwa moja ya mada zinazojadiliwa sana katika siasa za Marekani.

    Katika kipindi cha chini ya miaka miwili iliyopita, Trump amenusurika majaribio matatu ya kumuua.

    Miongoni mwa matukio hayo ni shambulio la risasi lililotokea Pennsylvania pamoja na njama nyingine zilizoripotiwa kuzuiwa katika majimbo ya Florida na Washington.

    Kutokana na hali hiyo, masuala yanayohusiana na urithi wa uongozi wa urais nchini Marekani yamepewa umuhimu mkubwa zaidi.

  • Mwanamke mwenye asili ya kiirani ndiye chanzo cha Macron kuchapwa kofi na mkewe

    Mwanamke mwenye asili ya kiirani ndiye chanzo cha Macron kuchapwa kofi na mkewe

    Mwandishi wa jarida la Kifaransa la Paris Match, Florian Tardif, ametoa madai mapya kuhusu kile alichodai kuwa ni chanzo cha mvutano kati ya Rais wa Ufaransa Emmanuel Macron na mkewe Brigitte Macron.

    Akizungumza na kituo cha redio cha RTL, Tardif — ambaye pia ni mwandishi wa kitabu “Wanandoa Wakamilifu” — alisema tukio lililosambazwa na Ikulu ya Élysée nchini Vietnam katika kipindi cha masika ya mwaka 2025 lilikuwa ni ugomvi kati ya rais huyo na mkewe.Kwa mujibu wa madai hayo, tofauti hiyo ilihusishwa na kile kilichoelezwa kuwa uhusiano wa “Kiplatoniki” kati ya Macron na mwigizaji wa Kii­rani na Kifaransa, Golshifteh Farahani, mwenye umri wa miaka 42.

    Tardif alidai hali hiyo ilipelekea Brigitte Macron kumpiga kofi mumewe.Hata hivyo, hadi sasa Ikulu ya Élysée pamoja na wahusika waliotajwa hawajathibitisha madai hayo.Wakati huo huo, gazeti la Le Figaro limechapisha taarifa hiyo kupitia majukwaa yake ya mtandaoni, huku mjadala mkubwa ukiendelea kusambaa katika mitandao ya kijamii nchini Ufaransa.

  • Zohran Mamdani: Ni Wakati wa Kubadili Vipaumbele, Pesa za Vita Ziboreshe Maisha ya Marekani

    Zohran Mamdani: Ni Wakati wa Kubadili Vipaumbele, Pesa za Vita Ziboreshe Maisha ya Marekani

    Zohran Mamdani amesema kuwa mfumuko wa bei nchini Marekani umeongezeka hadi kufikia kiwango cha juu zaidi katika kipindi cha miaka mitatu iliyopita, akieleza kuwa gharama za maisha zimepanda kwa kiasi kikubwa katika sekta mbalimbali ikiwemo vyakula, mafuta, huduma za afya na usafiri wa anga.

    Meya huyo wa New York alihusisha hali hiyo na matumizi makubwa ya fedha za Marekani katika vita vya nje, hususan mvutano unaohusiana na Iran.

    Kwa mujibu wake, fedha zinazotumika kugharamia vita nje ya nchi zingeweza kuelekezwa kuboresha maisha ya wananchi wa Marekani na kusaidia kupunguza mzigo wa gharama za maisha.

    Mamdani alisisitiza kuwa umefika wakati wa kubadili vipaumbele vya matumizi ya serikali ili kuhakikisha wananchi wanapata maisha bora na yenye heshima.

  • Netanyahu na Mkuu wa Mossad walifanya ziara za siri UAE wakati wa vita dhidi ya Iran

    Netanyahu na Mkuu wa Mossad walifanya ziara za siri UAE wakati wa vita dhidi ya Iran

    🔹 Kituo cha 12 cha Israel, kikinukuu ofisi ya Waziri Mkuu wa utawala wa Kizayuni, kilithibitisha kuwa Benjamin Netanyahu alifanya ziara ya siri nchini Umoja wa Falme za Kiarabu katika kilele cha vita dhidi ya Iran, ambapo alikutana na rais wa nchi hiyo, Sheikh Mohammed bin Zayed.

    🔹 Wakati huohuo, jarida la Marekani la Wall Street Journal limeripoti, likinukuu vyanzo vya ndani, kwamba mkuu wa shirika la ujasusi la Israel (Mossad), David Barnea, pia alifanya ziara za siri nchini UAE angalau mara mbili wakati wa vita hivyo.

    🔹 Kwa mujibu wa ripoti hiyo, ziara za Barnea zililenga kuratibu operesheni zinazohusiana na Iran, zikiwemo kubadilishana taarifa za kijasusi na kupanga mashambulizi.

    🔹 Jarida hilo lilidai pia kuwa nafasi ya Abu Dhabi katika vita hivyo haikuishia kwenye ushirikiano wa kiintelijensia pekee, bali UAE ilihusika kwa siri katika mashambulizi ya kijeshi dhidi ya Iran.

    🔹 Ripoti hiyo imeeleza kuwa UAE ndiyo nchi pekee, nje ya Marekani na Israel, inayodaiwa kushiriki moja kwa moja katika mashambulizi dhidi ya Iran katika kipindi hicho.

  • Taharuki Bungeni Baada ya Kengele ya Dharura Kulia Ghafla

    Taharuki Bungeni Baada ya Kengele ya Dharura Kulia Ghafla

    Dodoma: Baadhi ya wabunge wamelazimika kutoka kwa tahadhari ndani ya ukumbi wa Bunge baada ya kengele ya dharura kulia ghafla, ikiashiria uwepo wa hatari au hitilafu ya kiusalama ndani ya jengo hilo.

    Tukio hilo limetokea wakati wabunge walipokuwa wakiendelea kuchangia Makadirio ya Mapato na Matumizi ya Wizara ya Uchukuzi kwa mwaka wa fedha 2026/27, hali iliyosababisha shughuli za Bunge kusimama kwa takribani sekunde 30 kabla ya kuendelea tena.

    Kwa mujibu wa taratibu za usalama, kengele za dharura katika maeneo ya mikusanyiko kama Bunge hutumika kutoa tahadhari endapo mifumo ya usalama itabaini hali inayoweza kuhatarisha usalama wa watu waliopo ndani ya jengo.

    Kengele hizo zinaweza kuwashwa kutokana na sababu mbalimbali zikiwemo moshi, moto, hitilafu ya umeme, tahadhari za kiusalama au changamoto za kiufundi katika mifumo ya usalama ya jengo.